ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ຕຸລານີ້, ທ່ານສີຈິ້ນຜິງກ່າວວ່າ, ໄຊຊະນະຂອງສົງຄາມຊ່ວຍເຫຼືອສປປ ເກົາຫຼີຕໍ່ຕ້ານອາເມຣິກາເປັນຂີດໝາຍສຳຄັນຂອງປະຫວັດສາດທີ່ປະຊາຊາດຈີນກ້າວໄປສູ່ຄວາມຈະເລີນຮຸ່ງເຮືອງອັນຍິ່ງໃຫຍ່. ປະຊາຊົນຈີນໄດ້ທັບມ້າງກົນອຸບາຍຂອງຜູ້ຮຸກຮານທີ່ຢາກດັບສູນປະເທດຈີນໃໝ່, ຜ່ານຈາກການຕໍ່ສູ້ຢ່າງກ້າຫານໂດຍສາມາດປົກປັກຮັກສາຜືນແຜ່ນດິນອັນຄົບຖ້ວນແລະປົກປ້ອງຄວາມສະຫງົບປອດໄພຂອງຊາດ ເຊິ່ງສະແດງໃຫ້ເຫັນຢ່າງເຕັມສ່ວນ ເຖິງຈິດໃຈອັນເຂັ້ມແຂງປານເຫຼັກກ້າທີ່ບໍ່ຢ້ານກົວຕໍ່ມະຫາອຳນາດແລະອິດທິກຳລັງທີ່ໂຫດຮ້າຍປ່າເຖື່ນ.
ທ່ານສີຈິ້ນຜິງກ່າວວ່າ: ສົງຄາມຊ່ວຍເຫຼືອສປປ ເກົາຫຼີຕໍ່ຕ້ານອາເມຣິກາໄດ້ສະທ້ອນໃຫ້ເຫັນເຖິງຈິດໃຈອັນເຂັ້ມແຂງຂອງປະຊາຊົນຈີນ, ໄດ້ສ້າງພື້ນຖານໃຫ້ແກ່ປະເທດຈີນໃໝ່ໃນຖານະເປັນປະເທດໃຫຍ່, ໄດ້ສະແດງໃຫ້ເຫັນຢ່າງເຕັມສ່ວນເຖິງຄວາມຕັດສິນໃຈອັນເດັດດ່ຽວຂອງປະຊາຊົນຈີນເພື່ອປົກປັກຮັກສາສັນຕິພາບ ໂລກ ແລະໄດ້ສະແດງໃຫ້ເຫັນຢ່າງເຕັມສ່ວນເຖິງຄວາມອົງອາດກ້າຫານຂອງກອງທັບປະຊາຊົນທີ່ກ້າສູ້ຮົບແລະຕ້ອງຊະນະແນ່ນອນ.ສົງຄາມຊ່ວຍເຫຼືອສປປ ເກົາຫຼີຕໍ່ຕ້ານອາເມຣິກາຍັງໄດ້ສ່ອງແສງໃຫ້ເຫັນສັດຈະທຳທີ່ວ່າ ບໍ່ວ່າປະເທດໃດ, ກອງທັບໃດຈະເຂັ້ມແຂງສ່ຳໃດກໍຕາມ, ຖ້າຫາກອວດໂຕວ່າໃຫຍ່ແລະເຂັ້ມແຂງກວ່າໝູ່ແລ້ວຂົ່ມເຫັງຜູ້ອ່ອນນ້ອຍກວ່າ, ດຳເນີນການຮຸກຮານແລະແຜ່ຂະຫຍາຍອຳນາດ ກໍຍ່ອມຈະຖືກປະລາໄຊຢ່າງແນ່ນອນ.
ຄຳເຫັນ
0