ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆນີ້, ສູນຄົ້ນຄວ້າການພັດທະນາເຂດຊິ່ນຈ່ຽງ ໄດ້ໄປສຳຫຼວດຢູ່ທ້ອງຖິ່ນຕ່າງໆຢ່າງເລິກເຊິ່ງ, ແລະໄດ້ແຕ່ງ “ບົດລາຍງານກ່ຽວກັບການສຳຫຼວດສະພາບການປະກອບອາຊີບຂອງປະຊາຊົນເຜົ່າຕ່າງໆເຂດຊິ່ນຈ່ຽງ”, ໂດຍເຫັນວ່າ, ການປະກອບອາຊີບຂອງປະຊາຊົນເຜົ່າຕ່າງໆຢູ່ເຂດຊິ່ນຈ່ຽງ ແມ່ນເປັນເຈົ້າຕົນເອງ, ມີຄວາມສະໝັກໃຈແລະມີອິດສະຫຼະພາບ. ຕໍ່ເລື່ອງນີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວໃນວັນທີ 23 ຕຸລານີ້ວ່າ, ເນື້ອໃນບົດລາຍງານດັ່ງກ່າວໄດ້ສະແດງໃຫ້ເຫັນເຖິງສະພາບຄວາມເປັນຈິງກ່ຽວກັບການປະກອບອາຊີບຂອງປະຊາຊົນເຜົ່າຕ່າງໆເຂດຊິ່ນຈ່ຽງ, ມີຂໍ້ມູນ, ຕົວເລກສະຖິຕິແລະສະພາບຄວາມເປັນຈິງທີ່ແທ້ຈິງແລະໜ້າເຊື່ອ.
ທ່ານຈ້າວລີ້ຈ່ຽນຊີ້ໃຫ້ເຫັນວ່າ, ບົດລາຍງານດັ່ງກ່າວກົງກັນຂ້າມກັບບົດລາຍງານກ່ຽວກັບເຂດຊິ່ນຈ່ຽງຂອງຄັງປັນຍາແລະນັກວິຊາການທີ່ຄັດຄ້ານຈີນຈຳນວນໜຶ່ງ ທີ່ເສກສັນປັ້ນແຕ່ງເນື້ອໃນດ້ວຍຂໍ້ມູນປອມແລະເຈດຈະນາທີ່ບໍ່ດີ, ເປັນການຕອບໂຕ້ຢ່າງແຂງແຮງຕໍ່ຄຳຂີ້ຕົວະທີ່ວ່າ ການບັງຄັບໃຫ້ປະຊາຊົນອອກແຮງງານຢູ່ເຂດຊິ່ນຈ່ຽງ. ພວກເຮົາມີຄວາມຫວັງ ແລະກໍ່ເຊື່ອວ່າ, ໃນປະຊາຄົມໂລກຈະມີບຸກຄົນຜູ້ມີຄວາມຮູ້ສູງນັບມື້ນັບຫຼາຍກວ່າເກົ່າ ທີ່ເລືອກຢືນຢູ່ຄຽງຂ້າງສະພາບຄວາມເປັນຈິງຢ່າງເດັດດ່ຽວ ແລະປະຕິເສດຄຳຂີ້ຕົວະຢ່າງເດັດດ່ຽວ.
ຄຳເຫັນ
0