ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ຈັດພິທີມອບ“ຫຼຽນໄຊມິດຕະພາບ”ສາທາລະນະລັດປະຊາຊົນຈີນໃຫ້ແກ່ທ່ານນາງໂມນີນຽດ ສີຫາໂມນີ ພະລາຊະຊຸນນີກຳປູເຈຍ ຢູ່ຫໍສະພາປະຊາຊົນທີ່ປັກກິ່ງ.
ທ່ານສີຈິ້ນຜິງກ່າວວ່າ: ໃນ 60 ກວ່າປີມານີ້, ພະຊຸນນີໂມນີນຽດໄດ້ຕັ້ງໜ້າເຂົ້າຮ່ວມວຽກງານມິດຕະພາບຈີນ-ກຳປູເຈຍ, ໄດ້ເປັນສັກຂີພິຍານໃຫ້ແກ່ຂະບວນວິວັດການພັດທະນາຂອງປະເທດຈີນໃໝ່. ພະຊຸນນີໂມນີນຽດມີອາລົມຈິດອັນເລິກເຊິ່ງແລະພິເສດຕໍ່ປະຊາຊົນຈີນ, ໄດ້ສະໜັບສະໜູນການໄປມາຫາສູ່ກັນແລະການຮ່ວມມືຂອງສອງປະເທດໃນຂົງເຂດຕ່າງໆ, ໄດ້ປະກອບສ່ວນອັນພົ້ນເດັ່ນເຂົ້າໃນການຊຸກຍູ້ການຂະຫຍາຍການພົວພັນຈີນ-ກຳປູເຈຍ ແລະເພີ່ມທະວີມິດຕະພາບລະຫວ່າງປະຊາຊົນສອງຊາດຈີນ-ກຳປູເຈຍ.
ພະຊຸນນີໂມນີນຽດກ່າວວ່າ: ມື້ນີ້, ທ່ານປະທານສີຈິ້ນຜິງໄດ້ມອບ“ຫຼຽນໄຊມິດຕະພາບ” ສາທາລະນະລັດປະຊາຊົນຈີນໃຫ້ຂ້າພະເຈົ້າ ເຊິ່ງໄດ້ສະແດງໃຫ້ເຫັນມິດຕະພາບຖານອ້າຍນ້ອງຂອງປະເທດຈີນ ແລະປະຊາຊົນຈີນທີ່ຍິ່ງໃຫຍ່ ທີ່ມີຕໍ່ຂ້າພະເຈົ້າເອງພ້ອມດ້ວຍປະຊາຊົນກຳປູເຈຍ, ຂ້າພະເຈົ້າຮູ້ສຶກດີໃຈເປັນຢ່າງຍິ່ງ ແລະຂໍສະແດງຄວາມຂອບອົກຂອບໃຈດ້ວຍຄວາມຈິງໃຈທີ່ສຸດ. ປະຊາຊົນກຳປູເຈຍຈະຮ່ວມກັບປະຊາຊົນຈີນອ້າຍນ້ອງ ຮັດແໜ້ນມິດຕະພາບອັນເປັນມູນເຊື້ອ, ເພີ່ມຄວາມສາມັກຄີແລະການຮ່ວມມືກັນ, ເພື່ອຊຸກຍູ້ການພົວພັນກຳປູເຈຍ-ຈີນຂະຫຍາຍໄປໜ້າຢ່າງບໍ່ຢຸດຢັ້ງ.
ຄຳເຫັນ
0