ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 17 ພະຈິກນີ້, ກອງປະຊຸມສຸດຍອດປະເທດບຣິກສ໌ຄັ້ງທີ 12 ໄດ້ຈັດຂຶ້ນຜ່ານທາງວິດີໂອ. ທ່ານເສິນຊາວ ຮອງຫົວໜ້າກົມສາກົນກະຊວງການຄ້າຈີນກ່າວໃນວັນທີ 18 ພະຈິກນີ້ວ່າ, ກອງປະຊຸມສຸດຍອດຄັ້ງນີ້ໄດ້ບັນລຸໝາກຜົນຫຼາຍດ້ານໃນຂົງເຂດເສດຖະກິດການຄ້າ, ມີຄວາມໝາຍສຳຄັນຕໍ່ການຊຸກຍູ້ໃຫ້ເສດຖະກິດໂລກຟື້ນຄືນໃໝ່.
ທ່ານເສິນຊາວ ກ່າວວ່າ, ສະມາຊິກປະເທດຕ່າງໆທີ່ເຂົ້າຮ່ວມກອງປະຊຸມຄັ້ງນີ້ໄດ້ຕົກລົງຍົກ ລະດັບຄວາມສະດວກດ້ານການຄ້າຕື່ມອີກ, ຮັບປະກັນດ້ານການຈໍລະຈອນສິນຄ້າທີ່ສຳຄັນ, ສ້າງໂອກາດຫຼາຍກວ່າເກົ່າໃຫ້ແກ່ພາກສ່ວນທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ສຸມທຸກຄວາມພະຍາຍາມເພື່ອຫຼຸດຜ່ອນຜົນກະທົບທີ່ເກີດຈາກສະພາບການແຜ່ລະບາດຂອງພະຍາດໂຄວິດ-19 ທີ່ມີຕໍ່ການຮ່ວມມືເສດຖະກິດການຄ້າສາກົນ. ສະມາຊິກປະເທດບຣິກສ໌ ໃຫ້ຄຳໝັ້ນສັນຍາວ່າຈະປົກປັກຮັກສາລະບົບການຄ້າຫຼາຍຝ່າຍ, ແລະໄດ້ເຊັນ “ບົດບັນທຶກຄວາມເຂົ້າໃຈກ່ຽວກັບການສ້າງຄວາມສະດວກໃຫ້ແກ່ການລົງທຶນໃນປະເທດບຣິກສ໌”
ທ່ານເສິນຊາວ ກ່າວຕື່ມວ່າ: ກອງປະຊຸມຍັງໄດ້ອະນຸມັດ “ຄຳຊີ້ນຳວິສາຫະກິດຂະໜາດກາງແລະນ້ອຍເຂົ້າຮ່ວມການຄ້າສາກົນຢ່າງມີປະສິດທິຜົນ”, ໄດ້ກຳນົດ “ຍຸດທະສາດຄູ່ຮ່ວມມືເສດຖະກິດປະເທດບຣິກສ໌ 2025”, ຍຸດທະສາດດັ່ງກ່າວໄດ້ກຳນົດຂົງເຂດຈຸດສຸມແລະວາງທິດທາງໃຫ້ແກ່ການຮ່ວມມືດ້ານເສດຖະກິດການຄ້າລະຫວ່າງປະເທດບຣິກສ໌ໃນ 5 ປີຕໍ່ໜ້າ.
ຄຳເຫັນ
0