ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປຶ້ມ “ທ່ານສີຈິ້ນຜິງກັບເພື່ອນມິດນັກສຶກສາທັງຫຼາຍ” ໄດ້ພິມຈຳໜ່າຍໃນຂອບເຂດທົ່ວປະເທດຈີນໂດຍສຳນັກພິມຊາວໜຸ່ມຈີນ.
ປຶ້ມຫົວນີ້ມີບົດສຳພາດ 25 ບົດ ເຊິ່ງໄດ້ເລົ່າເລື່ອງທີ່ສະຫາຍສີຈິ້ນຜິງໂອລົມແລະແລກປ່ຽນຄວາມຄິດຄວາມເຫັນກັບນັກສຶກສາທັງຫຼາຍ ນັບແຕ່ເດືອນທັນວາປີ 1983 ຫາເດືອນກໍລະກົດປີ 2019 ເຊິ່ງເປັນໄລຍະທີ່ທ່ານເຮັດວຽກຢູ່ເມືອງເຈິ້ງຕິ້ງແຂວງເຫີເປີຍ, ແຂວງຝູຈ້ຽນ, ແຂວງເຈີ້ຈ່ຽງ, ນະຄອນຊຽງໄຮ້ ແລະ ໄລຍະເຮັດວຽກຢູ່ສູນກາງ ໂດຍໄດ້ບັນທຶກຄວາມຮັກແພງຂອງທ່ານທີ່ມີຕໍ່ຊາວໜຸ່ມ ໂດຍສະເພາະກັບນັກສຶກສາຢ່າງສະເໝີຕົ້ນສະເໝີປາຍ. ປຶ້ມຫົວນີ້ແມ່ນປຶ້ມທີ່ມີຊີວິດຊີວາໃນການລົງເລິກການຮ່ຳຮຽນແນວຄິດສຳຄັນຂອງທ່ານເລຂາທິການໃຫຍ່ສີຈິ້ນຜິງ ກ່ຽວກັບວຽກງານຊາວໜຸ່ມ ເຊິ່ງມີຄວາມໝາຍສຳຄັນ ເພື່ອເຮັດວຽກງານຊາວໜຸ່ມໃນຍຸກໃໝ່ໃຫ້ດີ ແລະ ຊ່ວຍຊາວໜຸ່ມຍຸກປັດຈຸບັນເຕີບໂຕຢ່າງແຂງແຮງ.
ຄຳເຫັນ
0