ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ພະຈິກນີ້, ທ່ານຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວຄຳປາໄສໃນກອງປະຊຸມຄັງປັນຍາໂລກ “ສ້າງສາໂລກຄືນໃໝ່ຫຼັງການລະບາດໂຄວິດ-19”ຜ່ານທາງວີດີໂອ ພາຍໃນຫົວຂໍ້ວ່າ: “ເພີ່ມທະວີຄວາມສາມັກຄີແລະຮ່ວມມືກັນ ເພື່ອຮ່ວມກັນສ້າງອະນາຄົດທີ່ດີງາມ”.
ທ່ານຫວາງຢີ້ກ່າວວ່າ: ຜົນກະທົບຈາກສະພາບການແຜ່ລະບາດຂອງພະຍາດໂຄວິດ-19 ບວກກັບສະພາບການຜັນແປທີ່ບໍ່ເຄີຍມີມາກ່ອນໃນຮອບຮ້ອຍປີຜ່ານມາ, ເຊິ່ງເຮັດໃຫ້ສະຖານະການສາກົນໄດ້ຂະຫຍາຍຕົວໄປເຖິງຈຸດຫົວລ້ຽວຫົວຕໍ່ອັນໃໝ່. ມວນນະນຸດໄດ້ເຕີບໃຫຍ່ຂະຫຍາຍຕົວຂຶ້ນຈາກຂະບວນການຕໍ່ສູ້ເພື່ອເອົາຊະນະຄວາມຫຍຸ້ງຍາກແລະວິກິດການຈຳນວນຫຼວງຫຼາຍ. ບັນດາປະເທດຕ້ອງຖອດຖອນບົດຮຽນຈາກໄພພິບັດຕ່າງໆ, ເຕົ້າໂຮມກຳລັງແຮງແລະຄວາມເປັນເອກະພາບກັນຈາກການຕໍ່ສູ້ຕ້ານກັບໄພພິບັດ, ຮ່ວມມືກັນເພື່ອສ້າງອະນາຄົດທີ່ດີງາມຂອງສັງຄົມມະນຸດ.
ທ່ານຫວາງຢີ້ກ່າວຕື່ມວ່າ: ບັນດາປະເທດຄວນເພີ່ມທະວີຄວາມສາມັກຄີແລະຮ່ວມມືກັນ, ພະຍາຍາມສູ້ຊົນເພື່ອເອົາຊະນະພະຍາດຢ່າງສິ້ນເຊິງໂດຍໄວເທົ່າທີ່ຈະໄວໄດ້. ຄວນເພີ່ມທະວີການປະສານງານຫຼາຍຝ່າຍຕື່ມອີກ, ປັບປຸງລະບົບການບໍລິຫານໂລກໃຫ້ສົມບູນຂຶ້ນຢ່າງບໍ່ຢຸດຢັ້ງ, ຄວນເພີ່ມທະວີການເປີດປະຕູສູ່ພາຍນອກແລະການເຊື່ອມຈອດກັນຕື່ມອີກ, ຮ່ວມມືປະສານງານກັນເພື່ອຊຸກຍູ້ໃຫ້ເສດຖະກິດໂລກຟື້ນຟູຄືນແລະຂະຫຍາຍຕົວ, ຄວນເພີ່ມທະວີການສົນທະນາກັນເພື່ອຄວາມໄວ້ເນື້ອເຊື່ອໃຈກັນ, ຮ່ວມກັນປົກປັກຮັກສາສັນຕິພາບແລະການພັດທະນາຂອງພາກພື້ນ.
ຄຳເຫັນ
0