ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ພະຈິກນີ້, ກອງປະຊຸມສຳມະນາວ່າດ້ວຍຄູ່ຮ່ວມມືເພື່ອຫຼຸດຜ່ອນຄວາມທຸກຍາກຂອງໂລກປີ 2020 ໄດ້ຈັດຂຶ້ນຢູ່ນະຄອນຫຼົງນານແຂວງກ່ານຊູ້ ເຊິ່ງໄດ້ປຶກສາຫາລືກ່ຽວກັບການປະດິດສ້າງໃໝ່ ແລະການຮ່ວມມືດ້ານການຫຼຸດຜ່ອນຄວາມທຸກຍາກພາຍຫຼັງການແຜ່ລະບາດຂອງພະຍາດໂຄວິດ-19.
ທ່ານເຊີນເຈີ້ກັ່ງ ຮອງຫົວໜ້າຫ້ອງການໜ່ວຍງານນຳພາວຽກງານລຶບລ້າງຄວາມທຸກຍາກ ແລະການພັດທະນາຂອງລັດຖະບານຈີນໄດ້ໃຫ້ຮູ້ວ່າ: ຈີນໄດ້ສ້າງກົນໄກວິເຄາະ ແລະຮັບມືຜົນກະທົບຈາກພະຍາດໂຄວິດ-19 ທີ່ມີຕໍ່ການລຶບລ້າງຄວາມທຸກຍາກ, ກຳແໜ້ນທິດທາງຟື້ນຟູອຸດສາຫະກຳ ແລະສົ່ງເສີມການປະກອບອາຊີບ, ຕິດຕາມ ແລະປ້ອງກັນບໍ່ໃຫ້ກັບຄືນສູ່ສະພາບຄວາມທຸກຍາກອີກ ລວມທັງການຊ່ວຍເຫຼືອຢ່າງຫ່ວງທັນກັບເວລາ ເຊິ່ງໄດ້ບັນລຸໝາກຜົນຢ່າງແທ້ຈິງ. ບັນຫາຕ່າງໆຂອງຈີນ ເຊັ່ນ: ການສຶກສາພາກບັງຄັບ, ການປິ່ນປົວຂັ້ນພື້ນຖານ, ເຮືອນຢູ່ທີ່ຖາວອນ ແລະນ້ຳດື່ມສະອາດກໍໄດ້ຮັບການແກ້ໄຂຢ່າງຮອບດ້ານແລ້ວ.
ທ່ານສຸ່ຍສື້ສີ ຜູ້ຕາງໜ້າອົງການແຜນການທັນຍາຫານໂລກຂອງອົງການສະຫະປະຊາຊາດປະຈຳຈີນໄດ້ກ່າວວ່າ: ເມືອງທຸກຍາກທັງໝົດ 832 ແຫ່ງຢູ່ຈີນໄດ້ຫຼຸດພົ້ນອອກຈາກຄວາມທຸກຍາກໝົດແລ້ວໃນວັນທີ 23 ພະຈິກຜ່ານມາ ເຊິ່ງໄດ້ເຮັດໃຫ້ບັນດາປະເທດທີ່ກຳລັງພັດທະນາຂອງໂລກຮູ້ສຶກມີກຳລັງໃຈເພີ່ມຂຶ້ນ. ອົງການແຜນການທັນຍາຫານໂລກຂອງອົງການສປຊໄດ້ຮ່ວມມືກັບຈີນເປັນເວລາ 40 ປີມາແລ້ວ, ກໍໄດ້ເປັນສັກຂີພິຍານ ແລະຜູ້ເຂົ້າຮ່ວມການຫຼຸດຜ່ອນຄວາມທຸກຍາກຢູ່ຈີນ. ຈີນສາມາດສະໜອງບົດຮຽນໃນການຫຼຸດຜ່ອນຄວາມທຸກຍາກໃຫ້ແກ່ບັນດາປະເທດກຳລັງພັດທະນາໃນໂລກ ເຊັ່ນ: ເຕັກນິກກະສິກຳແບບແຫ້ງ, ການລຶບລ້າງຄວາມທຸກຍາກດ້ວຍການຄ້າເອເລັກໂຕຣນິກ ແລະອື່ນໆ.
ຜູ້ຕາງໜ້າທີ່ໄດ້ເຂົ້າຮ່ວມກອງປະຊຸມດັ່ງກ່າວເຫັນວ່າ: ໃນຍຸກຫຼັງເກີດການແຜ່ລະບາດຂອງພະຍາດໂຄວິດ-19, ການຫຼຸດຜ່ອນຄວາມທຸກຍາກໃນທົ່ວໂລກຕ້ອງການພັດທະນາ ແລະນຳໃຊ້ການປະດິດສ້າງໃໝ່ດ້ານດີຈີຕອນຢ່າງຮີບດ່ວນ, ເພີ່ມທະວີການແລກປ່ຽນ ແລະການຖອດຖອນບົດຮຽນໃນດ້ານການພັດທະນາເພື່ອຫຼຸດຜ່ອນຄວາມທຸກຍາກໃນທົ່ວໂລກ, ເອົາໃຈໃສ່ສະຫຼຸບຜຶດຕິກຳຕົວຈິງ ແລະວິທີທີ່ດີທີ່ສຸດຂອງຈີນ ແລະສາກົນໃນການພັດທະນາເພື່ອຫຼຸດຜ່ອນຄວາມທຸກຍາກ.
ຄຳເຫັນ
0