ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ພະຈິກນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນ ແລະ ທ່ານເດວິດ ມານພັສ ຜູ້ອຳນວຍການໃຫຍ່ທະນາຄານໂລກ, ທ່ານນາງຄຼິສຕາລິນາ ຈໍເຈຍວາ ຜູ້ອຳນວຍການໃຫຍ່ອົງການກອງທຶນເງິນຕາສາກົນ, ທ່ານອາລານ ວອບ ຮອງຜູ້ອຳນວຍການໃຫຍ່ອົງການການຄ້າໂລກ, ທ່ານກາຍ ໄຣເດີ ຜູ້ອຳນວຍການໃຫຍ່ອົງການແຮງງານສາກົນ, ທ່ານແອງໂຈ ເກີເຣຍ ເລຂາທິການໃຫຍ່ອົງການຮ່ວມມືທາງດ້ານເສດຖະກິດແລະ ການພັດທະນາ, ແລະທ່ານແຣນໂດ ຄວາເລັສ ປະທານຄະນະກຳມະການເພື່ອຄວາມໝັ້ນຄົງດ້ານການເງິນໄດ້ຈັດກອງປະຊຸມໂຕະມົນ “1+6” ຄັ້ງທີ 5. ກອງປະຊຸມໄດ້ຈັດຂຶ້ນດ້ວຍຮູບແບບຜ່ານວີດີໂອ, ໂດຍປິ່ນອ້ອມຫົວຂໍ້ “ຊຸກຍູ້ການຟື້ນຟູ ແລະ ການເຕີບໂຕຂອງເສດຖະກິດໂລກພາຍຫຼັງການແຜ່ລະບາດຂອງພະຍາດໂຄວິດ-19”, ລົງເລິກdkoແລກປ່ຽນຄວາມຄິດຄວາມເຫັນກ່ຽວກັບສະພາບເສດຖະກິດໂລກ, ສະພາບເສດຖະກິດຈີນ ແລະ ການບໍລິຫານເສດຖະກິດໂລກຫຼັງການແຜ່ລະບາດຂອງພະຍາດ, ແລະຫົວຂໍ້ອື່ນໆ.
ທ່ານຫຼີເຄີ້ສຽງກ່າວວ່າ, ເມື່ອຜະເຊີນໜ້າກັບຜົນກະທົບທີ່ໜັກໜ່ວງຈາກການແຜ່ລະບາດຂອງພະຍາດໂຄວິດ-19, ເສດຖະກິດຈີນສາມາດຟື້ນຟູຄືນໃໝ່ຢ່າງໜັກແໜ້ນ, ນີ້ເປັນຍ້ອນໄດ້ຮັບຜົນດີຈາກນະໂຍບາຍຂອງລັດຖະບານຈີນໃນການຊ່ວຍເຫຼືອວິສາຫະກິດແກ້ໄຂຄວາມຫຍຸ້ງຍາກຕ່າງໆ, ທັງໄດ້ຮັບຜົນດີຈາກການຊຸກຍູ້ການປະຕິຮູບ ເປີດປະຕູສູ່ພາຍນອກເຊິ່ງເປັນການກະຕຸກຊຸກຍູ້ຄວາມມີຊີວິດຊີວາຂອງຫົວໜ່ວຍທຸລະກິດ ແລະ ພັດທະນາແຮງຂັບເຄື່ອນພາຍໃນເພື່ອຊຸກຍູ້ການພັດທະນາ, ທັງໄດ້ຮັບຜົນປະໂຫຍດຈາກຄວາມຕ້ອງການຂອງຕະຫຼາດຂະໜາດໃຫຍ່ຂອງຈີນ.
ທ່ານຫຼີເຄີ້ສຽງຊີ້ອອກວ່າ, ໃນໄລຍະປະຕິບັດແຜນການ 5 ປີຄັ້ງທີ 14, ຈີນຈະຖືເອົາການປະຕິຮູບ ແລະ ການປະດິດສ້າງໃໝ່ເປັນແຮງຂັບເຄື່ອນພື້ນຖານ, ເລັ່ງລັດສ້າງສະພາບແວດລ້ອມດ້ານການດຳເນີນທຸລະກິດທີ່ຖືກຕ້ອງກັບຫຼັກການຕະຫຼາດ ຄຸ້ມຄອງຕາມກົດໝາຍ ແລະ ເຊື່ອມໂຍງເຂົ້າກັບສາກົນ. ຈີນຈະສ້າງສະພາບການພັດທະນາໃໝ່, ຊຸກຍູ້ການເປີດກວ້າງຄວາມຕ້ອງການພາຍໃນ ແລະ ການເປີດປະຕູສູ່ພາຍນອກໄປພ້ອມໆກັນ, ຊຸກຍູ້ການເປີດປະຕູສູ່ພາຍນອກໃນລະດັບສູງກວ່າເກົ່າ, ເພີ່ມທະວີການປົກປ້ອງຊັບສິນທາງປັນຍາ, ສົ່ງເສີມການແຂ່ງຂັນແບບຍຸດຕິທຳລະຫວ່າງວິສາຫະກິດຈີນ ແລະ ວິສາຫະກິດຕ່າງປະເທດ, ບັນລຸເປົ້າໝາຍທີ່ຕ່າງຝ່າຍຕ່າງມີຜົນປະໂຫຍດຫຼາຍກວ່າເກົ່າ.
ຜູ້ຮັບຜິດຊອບອົງການເສດຖະກິດສາກົນທີ່ເຂົ້າຮ່ວມກອງປະຊຸມໄດ້ຕີລາຄາຢ່າງຕັ້ງໜ້າຕໍ່ຜົນສຳເລັດຂອງຈີນໃນການຕ້ານກັບພະຍາດໂຄວິດ-19. ຝ່າຍຕ່າງໆເຫັນວ່າ, ເມື່ອຜະເຊີນໜ້າກັບສິ່ງທ້າທາຍດ້ານພະຍາດ ແລະ ເສດຖະກິດ, ບັນດາປະເທດໃນໂລກຄວນເພີ່ມທະວີການປະສານງານໃນດ້ານນະໂຍບາຍເສດຖະກິດມະຫາພາກ, ຮ່ວມມືກັນຊຸກຍູ້ການຟື້ນຟູເສດຖະກິດໂລກຫຼັງການແຜ່ລະບາດຂອງພະຍາດໂຄວິດ-19. ບັນດາຝ່າຍໃຫ້ຄວາມສຳຄັນຢ່າງສູງຕໍ່ການພົວພັນ ແລະ ການຮ່ວມມືກັບຈີນ, ຍິນດີເພີ່ມທະວີການຮ່ວມມືຕື່ມອີກໃນຂົງເຂດການເງິນ ການປະກອບອາຊີບ, ການຫຼຸດຜ່ອນຄວາມທຸກຍາກ, ເລື່ອນເວລາຊຳລະໜີ້ສິນ ແລະອື່ນໆ, ຮ່ວມກັນສະໜັບສະໜູນລັດທິຫຼາຍຝ່າຍ, ຊຸກຍູ້ການພັດທະນາ ແລະ ຄວາມຈະເລີນຮຸ່ງເຮືອງຂອງໂລກ.
ຄຳເຫັນ
0