ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ພະຈິກນີ້, ພິທີມອບລາງວັນການແຂ່ງຂັນແຕ້ມຮູບຂອງນັກຮຽນຊັ້ນປະຖົມບຣູໄນພາຍໃຕ້ຫົວຂໍ້ “ຮ່ວມກັນຕ້ານພະຍາດໂຄວິດ-19” ກໍຄືພິທີເປີດງານວາງສະແດງຮູບແຕ້ມໄດ້ຈັດຂຶ້ນຢູ່ນະຄອນຫຼວງບັນດາເຊຣີ ເບກາວັນປະເທດບຣູໄນ. ການແຂ່ງຂັນດັ່ງກ່າວໄດ້ດຶງດູດການເຂົ້າຮ່ວມຂອງນັກຮຽນ 1022 ຄົນຈາກໂຮງຮຽນປະຖົມທົງໝົດ 53 ແຫ່ງຢູ່ບຣູໄນ. ນັກຮຽນທັງຫຼາຍໄດ້ແຕ້ມຮູບທີ່ມີຊີວິດຊີວາກ່ຽວກັບການຮ່ວມມືຕ້ານກັບພະຍາດໂຄວິດ-19 ລະຫວ່າງຈີນ ແລະບຣູໄນ.
ການແຂ່ງຂັນດັ່ງກ່າວໄດ້ຈັດຂຶ້ນຮ່ວມກັນໂດຍສະຖານທູດຈີນປະຈຳບຣູໄນ ແລະກະຊວງສຶກສາບທິການຣູໄນ. ໃນການຕ້ານກັບພະຍາດໂຄວິດ-19, ສອງປະເທດໄດ້ສະໜັບສະໜູນ ແລະຊ່ວຍເຫຼືອເຊິ່ງກັນ ແລະກັນໃນການຮັບມືກັບພະຍາດ ແລະໄດ້ຜ່ານຜ່າຄວາມຫຍຸ້ງຍາກຮ່ວມກັນ. ຫວັງວ່າໂດຍຜ່ານການຈັດກິດຈະກຳດັ່ງກ່າວຈະສາມາດປູກຝັງແນວຄິດຮັກແພງ ແລະຊ່ວຍເຫຼືອເຊິ່ງກັນ ແລະກັນໃຫ້ນັກສຶກສາ, ແລະເສີມຂະຫຍາຍນ້ຳໃຈການຮ່ວມມືຕ້ານກັບພະຍາດໂຄວິດ-19 ລະຫວ່າງຈີນ ແລະບຣູໄນ.
ທ່ານຮາຈີ ຮາມຊາ ລັດຖະມົນຕີກະຊວງສຶກສາທິການບຣູໄນທີ່ໄດ້ເຂົ້າຮ່ວມພິທີດັ່ງກ່າວໄດ້ກ່າວສະແດງຄວາມຊົມເຊີຍຮູບແຕ້ມທີ່ມີຈິນຕະນາການຂອງນັກຮຽນ, ທ່ານເຫັນວ່າ: ເມື່ອນັກຮຽນຕັ້ງໜ້າເຂົ້າຮ່ວມກິດຈະກຳຄັ້ງນີ້ກໍຈະມີຜົນດີຕໍ່ການປັບປຸງ ແລະເພີ່ມທະວີສາຍພົວພັນມິດຕະພາບການຮ່ວມມືລະຫວ່າງສອງປະເທດໃນອະນາຄົດ.
ຄຳເຫັນ
0