ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ກໍລະນີທີ່ລັດຖະບານອັງກິດໄດ້ປະກາດບົດລາຍງານກ່ຽວກັບຮົງກົງ, ວັນທີ 24 ພະຈິກນີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ, ຈີນຮຽກຮ້ອງໃຫ້ອັງກິດປະຖິ້ມແນວຄິດລັດທິລ່າເມືອງຂຶ້ນ, ເກັບເອົາຄວາມຈອມປອມ ແລະ ສອງມາດຕະຖານກັບຄືນໄປ, ຢຸດຕິແຊກແຊງເຂົ້າວຽກງານພາຍໃນຂອງປະເທດອື່ນ, ກັບຄືນສູ່ເສັ້ນທາງທີ່ຖືກຕ້ອງຕາມກົດໝາຍສາກົນ ແລະ ຫຼັກການພື້ນຖານຂອງການພົວພັນສາກົນ.
ໃນເວລາຕອບຄຳຖາມທີ່ກ່ຽວຂ້ອງໃນກອງປະຊຸມຖະແຫຼງຂ່າວໃນມື້ດຽວກັນ, ທ່ານຈ້າວລີ້ຈ່ຽນຊີ້ອອກວ່າ: ຮົງກົງໄດ້ກັບຄືນສູ່ອ້ອມກອດຂອງປະເທດຊາດເປັນເວລາ 23 ປີແລ້ວ, ລັດຖະບານອັງກິດຍັງຜ່ານການຮັບຮອງ “ບົດລາຍງານເຄິ່ງປີກ່ຽວກັບບັນຫາຮົງກົງ” ປີ້ນຂາວເປັນດຳ, ແລະ ກ່າວຕຳໜິວິຈານຈີນຢ່າງໄຮ້ເຫດຜົນ, ຕໍ່ເລື່ອງນີ້ ຈີນເດັດດ່ຽວຄັດຄ້ານ ແລະ ກ່າວປະນາມຢ່າງຮຸນແຮງ. ຮົງກົງເປັນເຂດບໍລິຫານພິເສດຂອງຈີນ, ອັງກິດບໍ່ມີສິດຕິດຕາມກວດກາ ແລະ ບໍ່ມີອັນທີ່ເອີ້ນວ່າໜ້າທີ່ຮັບຜິດຊອບຕາມສິນທຳຕໍ່ວຽກງານຮົງກົງ, ບໍ່ມີສິດແຊກແຊງວຽກງານຮົງກົງໂດຍສວຍໃຊ້ “ຖະແຫຼງການຮ່ວມຈີນ-ອັງກິດ”. ໃນໄລຍະການປົກຄອງແບບລ່າເມືອງຂຶ້ນ, ອັງກິດບໍ່ໄດ້ໃຫ້ສິດປະຊາທິປະໄຕແກ່ຮົງກົງ. ປັດຈຸບັນ, ອັງກິດກໍ່ບໍ່ມີສິດເປັນຜູ້ພິພາກສາ.
ຄຳເຫັນ
0