ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ພະຈິກນີ້, ຢູ່ທີ່ປັກກິ່ງ, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ, ພາຍໃຕ້ສະພາບທີ່ພະຍາດໂຄວິດ-19 ແຜ່ລະບາດຢູ່ທົ່ວໂລກ ແລະ ສະພາບການຂອງໂລກເກີດມີການປ່ຽນແປງຂອງຂະໜາດໃຫຍ່ໃນຮອບຮ້ອຍປີ, ພ້ອມທັງສະຖານະການສາກົນ ແລະ ພາກພື້ນປ່ຽນແປງໄປຢ່າງສັບສົນ ແລະ ເລິກເຊິ່ງ, ອົງການຮ່ວມມືຊຽງໄຮໄດ້ມີພາລະໜ້າທີ່ສຳຄັນກວ່າເກົ່າໃນດ້ານການຮັກສາຄວາມໝັ້ນຄົງຂອງພາກພື້ນແລະຊຸກຍູ້ໃຫ້ປະເທດຕ່າງໆພັດທະນາແລະມີຄວາມຈະເລີນຮຸ່ງເຮືອງ.
ທ່ານຫຼີເຄີ້ສຽງ ນາຍົກລັດຖະມົນຕີຈີນຈະເຂົ້າຮ່ວມກອງປະຊຸມສະພາມົນຕີຫົວໜ້າລັດຖະບານຂອງປະເທດພາຄີອົງການຮ່ວມມືຊຽງໄຮຄັ້ງທີ 19 ຕາມຄຳເຊື້ອເຊີນໂດຍຜ່ານວິດີໂອຢູ່ທີ່ປັກກິ່ງໃນວັນທີ 30 ພະຈິກນີ້ ເຊິ່ງອິນເດຍເປັນປະເທດເຈົ້າພາບຈັດກອງປະຊຸມຄັ້ງນີ້. ໃນກອງປະຊຸມຖະແຫຼງຂ່າວ, ທ່ານຈ້າວລີ້ຈ່ຽນໄດ້ໃຫ້ຮູ້ວ່າ: ໃນໄລຍະກອງປະຊຸມ, ຜູ້ນຳຂອງປະເທດຕ່າງໆຈະແລກປ່ຽນຄວາມຄິດຄວາມເຫັນຢ່າງກົງໄປກົງມາກ່ຽວກັບການລົງເລິກການຮ່ວມມືຂອງອົງການຮ່ວມມືຊຽງໄຮພາຍໃຕ້ສະພາບພະຍາດໂຄວິດ-19, ເຕົ້າໂຮມຄວາມຮັບຮູ້ທີ່ເປັນເອກະພາບກັນຫຼາຍກວ່າເກົ່າ, ອອກມາດຕະການທີ່ຕິດແທດຕົວຈິງຫຼາຍກວ່າເກົ່າ, ຊຸກຍູ້ການຮ່ວມມືກັນສ້າງ “ໜຶ່ງແລວໜຶ່ງເສັ້ນທາງ” ກັບ ຍຸດທະສາດພັດທະນາຂອງປະເທດຕ່າງໆ ແລະ ຂໍ້ລິເລິ່ມການຮ່ວມມືໃນພາກພື້ນໃຫ້ເຊື່ອມໂຍງເຂົ້າກັນຢ່າງເລິກເຊິ່ງ, ຍົກສູງລະດັບການຮ່ວມມືໃນຂົງເຂດຕ່າງໆ ເຊັ່ນ, ເສດຖະກິດການຄ້າ, ການລົງທຶນ, ຄວາມສາມາດໃນການຜະລິດ, ການເຊື່ອມໂຍມເຊື່ອມຈອດກັນ ແລະ ວັດທະນະທຳເປັນຕົ້ນ, ຊ່ວຍຊຸກຍູ້ບັນດາປະເທດຟື້ນຟູເສດຖະກິດ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ຊຸກຍູ້ອົງການຮ່ວມມືຊຽງໄຮ້ໃຫ້ພັດທະນາຢ່າງວ່ອງໄວກວ່າເກົ່າ ແລະ ດີກວ່າເກົ່າ.
ຄຳເຫັນ
0