ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, BBC ໄດ້ເຜີຍແຜ່ວິດີໂອຕອນໜຶ່ງກ່ຽວກັບສະພາບຄວາມເປັນຈິງຢູ່ນະຄອນຫຼວງປັກກິ່ງພາຍຫຼັງໄດ້ຄວບຄຸມການແຜ່ລະບາດຂອງພະຍາດໂຄວິດ-19. ໃນວິດີໂອນັ້ນ, ນັກຂ່າວໄດ້ໄປລາຍງານສະພາບການຢູ່ນະຄອນຫຼວງປັກກິ່ງອີກຄັ້ງໜຶ່ງ, ເມື່ອທຽບໃສ່ຖະໜົນການຄ້າທີ່ໄດ້ປິດຮ້ານຕ່າງໆໃນໜຶ່ງປີກ່ອນນັ້ນ, ມາບັດນີ້ຮ້ານຄ້າຕ່າງໆທີ່ໄດ້ເປີດຮ້ານຄືນໃໝ່ ແລະ ໄຟຟ້າແຈ້ງສະຫວ່າງຢູ່ໃນແຕ່ລະຮ້ານຈົນນັກຂ່າວໄດ້ອຸທານຂຶ້ນດ້ວຍຄວາມຊື່ນຊົມ. ເມື່ອນັກຂ່າວຖາມວ່າ: “ສະພາບການຢູ່ຈີນໄດ້ຟື້ນຟູເປັນແນວໃດແລ້ວ”, ຜູ້ຕອບສຳພາດສ່ວນຫຼາຍກ່າວວ່າ: ເສດຖະກິດຈີນໄດ້ຟື້ນຄືນໄດ້ເປັນຢ່າງດີ, ປະເທດຈີນເຕັມໄປດ້ວຍຄວາມມີຊີວິດຊີວາ. ມີຜູ້ຕອບຄຳຖາມສຳພາດຜູ້ໜຶ່ງເວົ້າຢອກວ່າ: “ດີກວ່າປະເທດພວກທ່ານຫຼາຍໄດ.”
ຈາກການເກີດມີການແຜ່ລະບາດຂອງພະຍາດໂຄວິດ-19 ເຖິງປັດຈຸບັນ, ຍ້ອນວ່າປະເທດອາເມຣິກາແລະເອີຣົບບໍ່ເອົາໃຈໃສ່, ບໍ່ພຽງແຕ່ບໍ່ໄດ້ຄວບຄຸມການແຜ່ລະບາດຂອງພະຍາດໄດ້ເທົ່ານັ້ນ, ສະພາບການແຜ່ລະບາດຂອງພະຍາດກໍນັບມື້ນັບໜັກໜ່ວງຂຶ້ນ ເຊິ່ງບໍ່ພຽງແຕ່ໄດ້ສ້າງຜົນກະທົບຕໍ່ເສດຖະກິດຂອງປະເທດເຫຼົ່ານີ້ເທົ່ານັ້ນ, ຊີວິດການເປັນຢູ່ຂອງປະຊາຊົນກໍໄດ້ຮັບຜົນກະທົບຢ່າງໜັກໜ່ວງ, ເຮັດໃຫ້ປະຊາຊົນເກີດມີຄວາມບໍ່ພໍໃຈຢ່າງແຮງຕໍ່ມາດຕະການຂອງລັດຖະບານປະເທດຕົນໃນການຕ້ານກັບການແຜ່ລະບາດຂອງພະຍາດ. ປະເທດອັງກິດ ບ່ອນທີ່ສຳນັກງານໃຫຍ່ BBC ຕັ້ງຢູ່ນັ້ນ ແຮ່ງມີສະພາບໜັກໜ່ວງ, ນາຍົກລັດຖະມົນຕີອັງກິດກໍເປັນຜູ້ນຳປະເທດທີ່ຖືກບົ່ງມະຕິຕິດເຊື້ອພະຍາດໂຄວິດ-19 ກ່ອນໝູ່ໃນໂລກ, ເຊື້ອພະຍາດໂຄວິດ-19 ທີ່ກາຍພັນກໍໄດ້ປະກົດຂຶ້ນກ່ອນໝູ່ຢູ່ອັງກິດ. ພາຍໃຕ້ໄພຂົ່ມຂູ່ຈາກເຊື້ອພະຍາດ, ຫຼາຍປະເທດທັງຢູ່ອາເມຣິກາແລະເອີຣົບຈຳເປັນຕ້ອງໄດ້ວາງມາດຕະການຈຳກັດການເດີນທາງເຂົ້າ-ອອກຂອງປະຊາຊົນອີກຄັ້ງໃໝ່.
ພວກເຮົາກັບມາສັງເກດເບິ່ງປະເທດຈີນ, ຍ້ອນລັດຖະບານໄດ້ເອົາໃຈໃສ່ນຳຄວາມປອດໄພດ້ານຊີວິດແລະຊັບສິນຂອງປະຊາຊົນ, ລັດຖະບານຈີນໄດ້ມີທ່າທີທີ່ໜັກແໜ້ນທີ່ສຸດ ແລະ ມີມາດຕະການທີ່ເຂັ້ມງວດທີ່ສຸດ ເຊິ່ງສາມາດຄວບຄຸມການແຜ່ລະບາດຂອງພະຍາດໄວ້ໄດ້ໃນໄລຍະອັນສັ້ນທີ່ສຸດ. ຈາກເກີດມີການແຜ່ລະບາດຂອງພະຍາດຈົນເຖິງປັດຈຸບັນ, ໃນແຕ່ລະມື້, ມີປະຊາຊົນຈີນທີ່ນັບບໍ່ຖ້ວນໄດ້ພະຍາຍາມຢ່າງບໍ່ລົດລະໄດ້ເອົາໃຈໃສ່ປະຕິບັດໜ້າທີ່ໃນຕຳແໜ່ງຂອງຕົນ ເພື່ອຕ້ານກັບການແຜ່ລະບາດຂອງພະຍາດ.
ພາຍຫຼັງໄດ້ເສຍຄ່າຕອບແທນທາງດ້ານເສດຖະກິດອັນມະຫາສານແລ້ວ, ຈີນໄດ້ຟື້ນຟູການຜະລິດ ແລະ ຊີວິດການເປັນຢູ່ໄດ້ກັບຄືນສູ່ສະພາບປົກກະຕິ. ຜູ້ຕອບການສຳພາດເວົ້າຢອກວ່າ: “ດີກວ່າປະເທດພວກທ່ານຫຼາຍ” ກໍເປັນການສ່ອງແສງເຖິງຄວາມຮູ້ສຶກທີ່ຈິງໃຈທີ່ສຸດຂອງປະຊາຊົນຈີນສາມັນຄົນໜຶ່ງ. ແມ່ນແທ້, ເມື່ອທຽບໃສ່ສະພາບການແຜ່ລະບາດຢ່າງຮ້າຍແຮງຢູ່ປະເທດຕາເວັນຕົກ, ຢູ່ປະເທດຈີນໄດ້ມີສະພາບການດີຫຼາຍ. ເຖິງວ່າຍັງມີບາງກໍລະນີເກີດຂຶ້ນຢູ່ທ້ອງຖິ່ນຕ່າງໆຂອງຈີນເປັນບາງຄັ້ງຄາວກໍຕາມ, ແຕ່ພາຍໃຕ້ມາດຕະການປ້ອງກັນແລະຄວບຄຸມ ຂອງລັດຖະບານຈີນທີ່ເປັນລະບຽບຮຽບຮ້ອຍ, ຄວາມປອດໄພ ແລະ ຄວາມສຸກຂອງປະຊາຊົນຈິ່ງບໍ່ໄດ້ຮັບຜົນກະທົບຈາກພະຍາດ.
ຈີນຍິນດີຕ້ອນຮັບນັກຂ່າວຕ່າງປະເທດມາລາຍງານຂ່າວກ່ຽວກັບສະພາບການຢູ່ປະເທດຈີນຢ່າງພາວະວິໄສ, ໃນຂະນະດຽວກັນ, ກໍຫວັງວ່າ: ປະຊາຊົນປະເທດຕາເວັນຕົກຈະສາມາດຫຼຸດພົ້ນອອກຈາກເງົາມືດຂອງການແຜ່ລະບາດຂອງພະຍາດໂຄວິດ-19 ໄດ້ໂດຍໄວ ແລະ ສາມາດຍິ້ມໃສ່ໜ້າກ້ອງໃນເວລາຕອບຄຳຖາມສຳພາດຂອງນັກຂ່າວໄດ້ເຊັ່ນກັນ.
ຄຳເຫັນ
0