ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກສະຖິຕິທີ່ອົງການສະຖິຕິແຫ່ງຊາດຈີນເປີດເຜີຍໃນວັນທີ 11 ມັງກອນນີ້ສະແດງໃຫ້ເຫັນວ່າ: ປີ 2020, ລາຄາສິນຄ້າບໍລິໂພກຂອງປະຊາຊົນຈີນເມື່ອທຽບໃສ່ປີ 2019 ໄດ້ເພີ່ມຂຶ້ນ 2,5%, ໄດ້ບັນລຸເປົ້າໝາຍການດັດສົມອັດຕາເພີ່ມຂຶ້ນຂອງລາຄາສິນຄ້າບໍລິໂພກສຳລັບໝົດປີຕ້ອງໃຫ້ຢູ່ໃນລະດັບປະມານ 3,5%. ຕໍ່ເລື່ອງນີ້, ທ່ານຢາວຈິງຢວນ ນັກຄົ້ນຄວ້າພິເສດຂອງຫ້ອງການປຶກສາວຽກງານຂອງລັດຖະບານຈີນກ່າວວ່າ: ການປະສົບຜົນສຳເລັດດັ່ງກ່າວແມ່ນເລື່ອງທີ່ບໍ່ງ່າຍ.
ໃນເດືອນທັນວາປີ 2012, ລາຄາສິນຄ້າບໍລິໂພກຂອງປະຊາຊົນເມື່ອທຽບໃສ່ເດືອນພະຈິກໄດ້ເພີ່ມຂຶ້ນ 0,7%, ທຽບໃສ່ໄລຍະດຽວກັນຂອງປີ 2019 ໄດ້ເພີ່ມຂຶ້ນ 0,2%. ທ່ານຢາວຈິງຢວນໄດ້ວິເຄາະວ່າ: ຍ້ອນວ່າແຫ່ງຕ່າງໆຂອງປະເທດຈີນໄດ້ປັບປຸງໝາກຜົນດ້ານການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ແລະການພັດທະນາເສດຖະກິດສັງຄົມໃຫ້ໝັ້ນທ່ຽງ, ຄວາມຕ້ອງການດ້ານການບໍລິໂພກຂອງປະຊາຊົນໄດ້ເພີ່ມຂຶ້ນຢ່າງຕໍ່ເນື່ອງ, ພ້ອມກັນນັ້ນຍ້ອນໄດ້ຮັບຜົນກະທົບຈາກອາກາດພິເສດແລະຕົ້ນທຶນການຜະລິດເພີ່ມຂຶ້ນ, ສົ່ງຜົນເຮັດໃຫ້ລາຄາສິນຄ້າບໍລິໂພກຂອງປະຊາຊົນໄດ້ເພີ່ມຂຶ້ນໃນເດືອນທັນວາປີ 2020.
ລາຄາຜະລິດຕະພັນອຸດສາຫະກຳໜ້າໂຮງງານທີ່ປະກາດໃນມື້ດຽວກັນສະແດງໃຫ້ເຫັນວ່າ, ໃນເດືອນທັນວາປີ 2020, ລາຄາຜະລິດຕະພັນອຸດສາຫະກຳໜ້າໂຮງງານເມື່ອທຽບໃສ່ເດືອນພະຈິກປີ 2020 ໄດ້ເພີ່ມຂຶ້ນ 1,1%.
ຄຳເຫັນ
0