ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມັງກອນນີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນກ່າວເນັ້ນວ່າ: ຕ້ອງຄົ້ນຄວ້າພິຈາລະນາໄລຍະການພັດທະນາໃໝ່ໃຫ້ດີ, ລົງເລິກຈັດຕັ້ງປະຕິບັດແນວຄວາມຄິດພັດທະນາໃໝ່, ເລັ່ງລັດການສ້າງສະພາບການພັດທະນາໃໝ່, ຊຸກຍູ້ການພັດທະນາທີ່ມີຄຸນນະພາບສູງໃນແຜນພັດທະນາເສດຖະກິດສັງຄົມແຫ່ງຊາດ 5 ປີຄັ້ງທີ 14 ເພື່ອຮັບປະກັນໃຫ້ການສ້າງປະເທດສັງຄົມນິຍົມທີ່ທັນສະໄໝຢ່າງຮອບດ້ານມີການເລີ່ມຕົ້ນທີ່ດີ.
ຊຸດສຳມະນາຫົວຂໍ້ສະເພາະສຳລັບພະນັກງານການນຳສຳຄັນລະດັບແຂວງແລະກະຊວງຂອງຈີນໄດ້ເປີດກອງປະຊຸມຮ່ຳຮຽນຢູ່ໂຮງຮຽນທິດສະດີການເມືອງສູນກາງພັກຂອງຈີນ, ທ່ານສີຈິ້ນຜິງໄດ້ເຂົ້າຮ່ວມພິທີແລະກ່າວຄຳປາໄສ.
ທ່ານສີຈິ້ນຜິງກ່າວຕື່ມວ່າ: ເພື່ອບັນລຸເປົ້າໝາຍການສ້າງຄວາມຮັ່ງມີຮ່ວມກັນບໍ່ພຽງແຕ່ແມ່ນບັນຫາເສດຖະກິດເທົ່ານັ້ນ, ຫາກຍັງແມ່ນບັນຫາທາງການເມືອງທີ່ສຳຄັນທີ່ພົວພັນເຖິງພື້ນຖານການກຳອຳນາດຂອງພັກ. ຕ້ອງພິຈາລະນາເຖິງຄວາມຕ້ອງການແລະຄວາມອາດເປັນໄປໄດ້ຢ່າງເປັນເອກະພາບກັນ, ກ້າວເດີນໄປໜ້າຢ່າງໜັກແໜ້ນໂດຍອີງຕາມກົດເກນການພັດທະນາເສດຖະກິດສັງຄົມ, ຕື່ນຕົວແກ້ໄຂຄວາມແຕກໂຕນກັນລະຫວ່າງເຂດແຂວງ, ລະຫວ່າງຕົວເມືອງກັບຊົນນະບົດ ແລະ ຄວາມແຕກໂຕນກັນດ້ານລາຍຮັບຢ່າງເປັນເຈົ້າການ, ເຮັດໃຫ້ປະຊາຊົນໄດ້ຜົນປະໂຫຍດທາງດ້ານວັດຖຸແລະຈິດໃຈມີຄວາມສຸກ ແລະ ມີຄວາມປອດໄພເພີ່ມຂຶ້ນຢ່າງບໍ່ຢຸດຢັ້ງ.
ຄຳເຫັນ
0