ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມັງກອນນີ້, ທ່ານດາເນວ ຫົວໜ້າກົມປ້ອງກັນພົນລະເມືອງກະຊວງປ້ອງກັນປະເທດອາເມຣິກາຢືນຢັນວ່າ: ກະຊວງຕົນໄດ້ອະນຸຍາດໃຫ້ສົ່ງກອງກຳລັງປ້ອງກັນພົນລະເມືອງຈຳນວນຫຼາຍເຖິງ 15.000 ຄົນ ເພື່ອຮັບປະກັນໃຫ້ພິທີສາບານຕົວຂຶ້ນດຳລົງຕຳແໜ່ງເປັນປະທານາທິບໍດີຄົນໃໝ່ສາມາດຈັດຂຶຶ້ນໄດ້ຢ່າງສະດວກປອດໄພຢູ່ນະຄອນຫຼວງວໍຊິງຕັນ ໂດຍຕອບສະໜອງຕາມຄຳຮ້ອງຂໍຂອງນະຄອນຫຼວງ.
ຫຼັງຈາກຫໍລັດຖະສະພາຖືກບຸກໂຈມຕີໃນອາທິດແລ້ວນີ້, ປັດຈຸບັນ, ໄດ້ມີກອງກຳລັງປ້ອງກັນພົນລະເມືອງ 6.200 ຄົນໄດ້ເຂົ້າປະຈຳຢູ່ເຂດພິເສດນະຄອນຫຼວງວໍຊິງຕັນ. ໃນອາທິດນີ້, ພາຍໃຕ້ການບັນຊາຂອງກະຊວງຍຸດຕິທຳ, ເຂດພິເສດນະຄອນຫຼວງວໍຊິງຕັນຈະຈັດການຝຶກຊ້ອມຄວາມປອດໄພເພື່ອຮັບປະກັນໃຫ້ພິທີສາບານຕົວຂຶ້ນດຳລົງຕຳແໜ່ງຂອງລັດຖະບານຊຸດໃໝ່ມີຄວາມສະດວກ, ເກືອບທຸກພາກສ່ວນຂອງລັດຖະບານ ແລະ ອົງການປະຕິບັດກົດໝາຍລ້ວນແຕ່ເຂົ້າຮ່ວມການຝຶກຊ້ອມດັ່ງກ່າວ.
ຄຳເຫັນ
0