ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ເມື່ອບໍ່ດົນມານີ້, ໜ່ວຍງານພິຈາລະນາບັນຫາສິດທິມະນຸດຂອງປະເທດຕ່າງໆຂອງສະພາມົນຕີສິດທິມະນຸດອົງການສະຫະປະຊາຊາດໄດ້ດຳເນີນການພິຈາລະນາສະພາບສິດທິມະນຸດຢູ່ປະເທດອົດສະຕຣາລີ, ຜູ້ຕາງໜ້າຈີນໄດ້ມີຂໍ້ສະເໜີ 5 ຂໍ້ ຄື: ຈີນສະເໜີໃຫ້ອົດສະຕຣາລີຈົ່ງໃຊ້ມາດຕະການຕ້ານການກະທຳທີ່ເປັນການຈຳແນກເຊື້ອຊາດຜິວພັນ, ຖ້ອຍຄຳທີ່ກໍ່ໃຫ້ເກີດຄວາມກຽດຊັງ ແລະການໃຊ້ຄວາມຮຸນແຮງ, ຮັບປະກັນສິດທິຂອງເຊື້ອຊາດອື່ນສ່ວນໜ້ອຍ; ຮັບປະກັນສິດທິຂອງຜູ້ອົບພະຍົບ, ປິດສູນກົກຕົວຊາວອົບພະຍົບທີ່ຕັ້ງຢູ່ຕ່າງປະເທດ; ສືບສວນຢ່າງລະອຽດຮອບດ້ານກ່ຽວກັບຄະດີອາຊະຍາກຳສົງຄາມທີ່ທະຫານອົດສະຕຣາລີກໍ່ຂຶ້ນໃນການເຄື່ອນໄຫວທາງການທະຫານຢູ່ຕ່າງປະເທດ, ລົງໂທດຜູ້ກະທຳຜິດ, ປ້ອງກັນບໍ່ໃຫ້ອາຊະຍະກຳທີ່ມີລັກສະນະຄ້າຍຄືກັນນີ້ເກີດຂຶ້ນອີກ; ຢຸດຕິການຈຳແນກເຊື້ອຊາດຜິວພັນຢ່າງເປັນລະບົບທີ່ມີຕໍ່ຊາວພື້ນເມືອງ ຕ້ານການກະທຳໃຊ້ຄວາມຮຸນແຮງຕໍ່ຊາວພື້ນເມືອງ; ຢຸດຕິການນຳໃຊ້ຂໍ້ມູນຂ່າວສານປອມເພື່ອຕຳໜິປະເທດອື່ນໆໂດຍບໍ່ມີເຫດຜົນເພື່ອຈຸດປະສົງທາງການເມືອງຂອງຕົນ.
ຄຳເຫັນ
0