ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕໍ່ກໍລະນີທີ່ນັກການເມືອງອາເມຣິກາກ່າວໂຈມຕີຈີນໃຊ້ມາດຕະການຂວ້ຳບາດຜູ້ກ່ຽວຂອງອາເມຣິກາ, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 22 ມັງກອນນີ້ວ່າ: ຖ້ອຍຄຳທີ່ກ່ຽວຂ້ອງຂອງນັກການເມືອງອາເມຣິກາບາງຄົນ ໄດ້ເປີດເຜີຍໃຫ້ເຫັນຕັກກະອັນບັງບຽດ, ມະຫາອຳນາດ ແລະ ການໃຊ້ອຳນາດບາດໃຫຍ່ຂອງອາເມຣິກາ ເຊິ່ງມີພຽງແຕ່ອາເມຣິກາເທົ່ານັ້ນຈຶ່ງສາມາດກົດດັນຝ່າຍອື່ນຢ່າງບັງອາດໄດ້ ທັງບໍ່ໃຫ້ຝ່າຍອື່ນປ້ອງກັນຕົວຢ່າງເປັນທຳ.
ຂ່າວລາຍງານວ່າ, ຕໍ່ກໍລະນີທີ່ຈີນປະກາດໃຊ້ມາດຕະການຂວ້ຳບາດທ່ານໄມ ພົມເພວ ເປັນຕົ້ນ, ທ່ານໄມເຄີນ ແມັກເຄົາ ຫົວໜ້າສະມາຊິກພັກຣີພັບບລີກັນໃນກຳມາທິການການຕ່າງປະເທດ ຂອງສະພາຕ່ຳອາເມຣິກາກ່າວວ່າ: ການຂວ້ຳບາດທີ່ກ່ຽວຂ້ອງນັ້ນແມ່ນບໍ່ມີຫຼັກອ້າງອີງແຕ່ຢ່າງໃດ. ທ່ານນາງຮວ້າຊຸ່ນຢິງ ກໍໄດ້ຊີ້ໃຫ້ເຫັນໃນຂະນະທີ່ຕອບຄຳຖາມຂອງນັກຂ່າວວ່າ: ຈີນຕັດສິນໃຈຂວ້ຳບາດຜູ້ກ່ຽວຂອງອາເມຣິກາ ແມ່ນເປັນການຕອບໂຕ້ຕໍ່ຜູ້ຄົນເຫຼົ່ານີ້ທີ່ກະທຳຢ່າງຜິດພາດໃນບັນຫາກ່ຽວກັບຈີນ ເຊິ່ງເຂົາເຈົ້າໄດ້ລ່ວງລ້ຳອະທິປະໄຕ, ຄວາມໝັ້ນຄົງ ແລະ ຜົນປະໂຫຍດດ້ານການພັດທະນາຂອງຈີນຢ່າງໜັກໜ່ວງ, ແມ່ນການຂວ້ຳບາດທີ່ເປັນທຳ ແລະ ມີຄວາມຈຳເປັນທີ່ສຸດ ເຊິ່ງໄດ້ສະແດງໃຫ້ເຫັນເຖິງຄວາມຕັດສິນໃຈອັນເດັດດ່ຽວຂອງລັດຖະບານຈີນໃນການປົກປັກຮັກສາຜົນປະໂຫຍດແຫ່ງຊາດຂອງຕົນ.
ທ່ານນາງຮວ້າຊຸ່ນຢິງ ກ່າວວ່າ: “ອີງຕາມຂໍ້ມູນສະຖິຕິຂອງອົງການທີ່ກ່ຽວຂ້ອງຂອງອາເມຣິກາ, ໃນໄລຍະທີ່ລັດຖະບານໂດໂນ ທຣຳ ປົກຄອງປະເທດນັ້ນ, ອາເມຣິກາໄດ້ໃຊ້ມາດຕະການຂວ້ຳບາດຕ່າງໆເຖິງ 3900 ກວ່າລາຍການ, ເທົ່າກັບວ່າແຕ່ລະມື້ໃຊ້ມາດຕະການຂວ້ຳບາດ 3 ເທື່ອ. ການກະທຳເຫຼົ່ານີ້ ໄດ້ລະເມີດກົດໝາຍສາກົນ ແລະ ຫຼັກການພື້ນຖານໃນການພົວພັນລະຫວ່າງປະເທດຢ່າງໜັກໜ່ວງ, ໄດ້ທຳລາຍອະທິປະໄຕ, ຄວາມໝັ້ນຄົງ ແລະ ຜົນປະໂຫຍດດ້ານການພັດທະນາຂອງປະເທດທີ່ກ່ຽວຂ້ອງຢ່າງໜັກໜ່ວງ ຈຶ່ງເປັນການກະທຳທີ່ບໍ່ໄດ້ໃຈຄົນ ແລະ ຖືກຄັດຄ້ານແລະກ່າວປະນາມຈາກປະຊາຄົມໂລກຢ່າງເປັນເອກະພາບ.
ຄຳເຫັນ
0