ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ22ມັງກອນນີ້ ຢູ່ນະຄອນຫຼວງປັກກິ່ງ, ຄະນະປະຈຳສະພາປະຊາຊົນແຫ່ງຊາດຈີນ ເຊິ່ງເປັນອົງການນິຕິບັນຍັດຂອງຈີນໄດ້ລົງຄະແນນສຽງແລະຜ່ານການຮັບຮອງຮ່າງກົດໝາຍວ່າດ້ວຍປ້ອງກັນພະຍາດສັດສະບັບປັບປຸງ. ຫາງສຽງເຫັນວ່າ,ກົດໝາຍສະບັບໃໝ່ທີ່ຈະປະຕິບັດແຕ່ວັນທີ1ພຶດສະພາປີນີ້ເປັນຕົ້ນໄປ ຈະເປັນການປັບປຸງແລະເພີ່ມການຮັບປະກັນດ້ານກົດໝາຍທີ່ໝັ້ນຄົງກວ່າເກົ່າໃຫ້ແກ່ຄວາມປອດໄພດ້ານສາທາລະນະສຸກໃຫ້ສົມບູນຂຶ້ນຕື່ມ.
ຕາມສະຖິຕິ,ພະຍາດສັດມີການພົວພັນຢ່າງແໜ້ນແຟ້ນກັບພະຍາດຕິດແປດຂອງມະນຸດ, ພະຍາດສັດມີ70%ສາມາດລະບາດໃຫ້ຄົນ, ສ່ວນພະຍາດຕິດແປດທີ່ເກີດໃໝ່ຂອງມະນຸດມີ 75%ແມ່ນມາຈາກສັດ. ດ້ວຍເຫດນີ້,ການດັດແກ້ກົດໝາຍຄັ້ງນີ້ຈະມີຄວາມໝາຍສຳຄັນຕໍ່ການຄວບຄຸມພະຍາດສັດ ແລະຮັບປະກັນຄວາມປອດໄພດ້ານສາທາລະນະສຸກ.
ການດັດແກ້ກົດໝາຍຄັ້ງນີ້ ໄດ້ຖືເອົາການຮັບປະກັນຄວາມປອດໄພດ້ານສາທາລະນະສຸກເປັນຈຸດເລີ່ມຕົ້ນແລະຈຸດສຳຄັນ,ບູລະນະແລະປັບປຸງລະບົບລະບຽບການປ້ອງກັນພະຍາດໃນຂອດຕ່າງໆ ເຊັ່ນ: ການລ້ຽງສັດ, ການຜະລິດ, ການປຸງແຕ່ງແລະການທຸລະກິດຂົນສົ່ງ, ເຊິ່ງໄດ້ສະໜອງຫຼັກອ້າງອີງດ້ານກົດໝາຍແກ່ການປ້ອງກັນແລະຄວບຄຸມພະຍາດຕິດແປດ.
ຄຳເຫັນ
0