ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ມັງກອນນີ້, ເຈົ້າໜ້າທີ່ຕຳຫຼວດແຂວງມາກວິນດານາວທາງພາກໃຕ້ຟີລິບປິນກ່າວວ່າ: ໃນມື້ດັ່ງກ່າວ, ຕຳຫຼວດຂອງແຂວງຕົນໄດ້ຍິງປະຫານຊີວິດຜູ້ປະກອບອາວຸດ 12 ຄົນໃນເວລາປະຕິບັດໜ້າທີ່ຈັບກຸມ, ມີຕຳຫຼວດ 1 ຄົນໄດ້ເສຍຊີວິດໃນການຍິງກັນ.
ທ່ານ ອິສເມວ ຜູ້ຮັບຜິດຊອບໜ່ວຍສືບສວນອາຍາຂອງກອງຕຳຫຼວດແຂວງມາກວິນດານາວຂອງຟີລິບປິນໄດ້ກ່າວໃນເວລາໃຫ້ສຳພາດຕໍ່ສື່ມວນຊົນທ້ອງຖິ່ນວ່າ: ໃນເວລາປະມານ 3 ໂມງຕອນເຊົ້າມືດຂອງວັນທີ 23 ມັງກອນນີ້ຕາມເວລາທ້ອງຖິ່ນ, ເຈົ້າໜ້າທີ່ຕຳຫຼວດໄດ້ປະຕິບັດໜ້າທີ່ຢູ່ຕາແສງຊຸຕານ ຄຸດາຣັດຂອງແຂວງດັ່ງກ່າວ, ໄດ້ຈັບຕົວຜູ້ຕ້ອງສົງໄສຫຼາຍຄົນທີ່ຖືກສົງໄສກໍ່ອາຊະຍາກຳຄາດຕະກຳ,ຄາຂ້າຍຢາເສບຕິດ,ປຸ້ນຈີ້ແລະອື່ນໆ. ໃນການປະຕິບັດໜ້າທີ່, ກຸ່ມປະກອບອາວຸດກຸ່ມໜຶ່ງລວມທັງຜູ້ຖືກສົງໄສໄດ້ຕໍ່ຕ້ານກັບຕຳຫຼວດ, ສອງຝ່າຍໄດ້ຍິງກັນປະມານ 5 ຊົ່ວໂມງ.
ເຈົ້າໜ້າທີ່ຕຳຫຼວດກ່າວວ່າ: ຍັງມີຕຳຫຼວດ 4 ຄົນໄດ້ຮັບບາດເຈັບໃນການຍິງກັນ. ໃນການປະຕິບັດໜ້າທີ່ຄັ້ງນີ້, ຕຳຫຼວດຍຶດໄດ້ປືນດັກສະກັດ, ປືນອັດຕະໂນມັດ, ປືນມືແລະອາວຸດອື່ນໆ.
ຄຳເຫັນ
0