ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ16ກຸມພານີ້, ຄະນະກຳມະການຄຸ້ມຄອງແຫ່ງລັດມຽນມາກ່າວວ່າ: ໃນການປະທ້ວງທີ່ເກີດຂຶ້ນຢູ່ຫຼາຍແຫ່ງຂອງມຽນມາໃນຫວ່າງມໍ່ໆມານີ້,ຝ່າຍຕຳຫຼວດໄດ້ປະທະກັນກັບຜູ້ປະທ້ວງ,ເຮັດໃຫ້ຫຼາຍຄົນໄດ້ຮັບບາດເຈັບ ເຊິ່ງລວມທັງຕຳຫຼວດແລະຜູ້ປະທ້ວງ.
ຄະນະກຳມະການຄຸ້ມຄອງແຫ່ງລັດມຽນມາທີ່ຝ່າຍທະຫານມຽນມາປະກາດສ້າງຕັ້ງຂຶ້ນ ໄດ້ຈັດກອງປະຊຸມຂ່າວເທື່ອທຳອິດຢູ່ນະຄອນຫຼວງເນປີດໍໃນມື້ຶ້ດຽວກັນ. ຜູ້ຮັບຜິດຊອບໜ່ວຍງານໂຄສະນາຂອງຄະນະກຳມະການດັ່ງກ່າວກ່າວວ່າ, ໃນການປະທ້ວງທີ່ເກີດຂຶ້ນຢູ່ຫຼາຍແຫ່ງເຊັ່ນ: ເນປີດໍ, ມານດາເລ,ແລະລັດມົນເປັນຕົ້ນໃນຫວ່າງມໍ່ໆມານີ້, ລະຫວ່າງຕຳຫຼວດກັບຜູ້ປະທ້ວງໄດ້ເກີດການປະທະກັນ, ທັງສອງຝ່າຍລ້ວນແຕ່ມີຄົນໄດ້ຮັບບາດເຈັບ.
ຜູ້ຮັບຜິດຊອບທ່ານນີ້ກ່າວຕື່ມວ່າ, ທ່ານວີນມີນ ປະທານາທິບໍດີມຽນມາ, ທ່ານນາງອອງຊັນຊູຈີ ທີ່ປຶກສາແຫ່ງລັດພວມຖືກກັກຂັງຢູ່ບ່ອນປອດໄພ,ພວກເພິ່ນມີສຸຂະພາບແຂງແຮງດີ, ຈະກ່າວຟ້ອງພວກທ່ານຕາມກົດໝາຍ.
ໃນຫຼາຍມື້ຜ່ານມາ ຢູ່ມຽນມາໄດ້ເກີດການປະທ້ວງ,ຜູ້ປະທ້ວງຮຽກຮ້ອງໃຫ້ປ່ອຍຕົວທ່ານນາງອອງຊັນຊູຈີ ທີ່ປຶກສາແຫ່ງລັດທີ່ຖືກກັກຂັງ.
ຄຳເຫັນ
0