ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກຸມພານີ້, ເຈົ້າໜ້າທີ່ຕຳຫຼວດມຽນມາໄດ້ປະກາດວ່າ:ໄດ້ຈັບຕົວນັກສະແດງສິລະປະ 6 ຄົນໃນຂໍ້ຫາຍຸຍົງລັດຖະກອນໃຫ້ເຂົ້າຮ່ວມການນັດຢຸດງານ.
ແຈ້ງການກ່າວວ່າ: ນັກສະແດງ 6 ຄົນດັ່ງກ່າວປະກອບມີຜູ້ກຳກັບການສະແດງ 3 ຄົນ, ນັກສະແດງ 2 ຄົນແລະນັກຮ້ອງ 1 ຄົນ, ເຂົາເຈົ້າໄດ້ສວຍໃຊ້ຄວາມມີຊື່ສຽງຂອງຕົນເພື່ອສະໜັບສະໜູບການເຄື່ອນໄຫວປະທ້ວງ,ພ້ອມທັງຍຸຍົງລັດຖະກອນໃຫ້ເຂົ້າຮ່ວມການນັດຢຸດງານ. ສະນັ້ນເຈົ້າໜ້າທີ່ຕຳຫຼວດຈຶ່ງໄດ້ຈັບຕົວເຂົາເຈົ້າມາດຳເນີຄະດີ.
ໃນຫຼາຍມື້ຜ່ານມາ, ຢູ່ແຫ່ງຕ່າງໆຂອງມຽນມາໄດ້ເກີດມີການເຄື່ອນໄຫວປະທ້ວງ, ຄຳຮ້ອງຂໍຂອງຜູ້ປະທ້ວງແມ່ນຢາກໃຫ້ປ່ອຍຕົວທ່ານນາງ ອອງຊານ ຊູຈີ ທີ່ປຶກສາແຫ່ງລັດທີ່ໄດ້ຖືກກັກຕົວ. ພະນັກງານຫຼາຍຂະແໜງການເຊິ່ງລວມທັງລັດຖະກອນຈຳນວນໜຶ່ງໄດ້ເຂົ້າຮ່ວມການນັດຢຸດງານ,ເພື່ອສະໜັບສະໜູນການເຄື່ອນໄຫວປະທ້ວງ.
ຄຳເຫັນ
0