ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກຸມພານີ້, ອິນໂດເນເຊຍໄດ້ເລີ່ມສັກວັກຊີນປ້ອງກັນໂຄວິດ-19 ໄລຍະ 2ຂະໜາດໃຫຍ່ ຢ່າງເປັນທາງການ, ຄາດວ່າ: ຈະສັກວັກຊີນໃຫ້ແກ່ພະນັກງານບໍລິການສາທາລະນະ 16,9 ລ້ານຄົນ ແລະ ຜູ້ອາຍຸສູງ 21,5 ລ້ານຄົນສຳເລັດ ກ່ອນເດືອນພຶດສະພາປີນີ້.
ວັນທີ 17 ກຸມພານີ້, ກອງເລຂາຄະນະລັດຖະບານອິນໂດເນເຊຍໄດ້ອອກຖະແຫຼງການວ່າ: ອິນໂດເນເຊຍໄດ້ເລີ່ມສັກວັກຊີນໄລຍະ 1 ຂະໜາດໃຫຍ່ ໃນວັນທີ 14 ມັງກອນຜ່ານມານີ້, ຕົ້ນຕໍແມ່ນສັກໃຫ້ພະນັກງານການແພດ ແລະ ພະຍາບານ. ມາຮອດປັດຈຸບັນ, ໄດ້ສັກວັກຊີນໃຫ້ແກ່ພະນັກງານການແພດ ແລະ ພະຍາບານສຳເລັດແລ້ວ 1,46 ລ້ານຄົນ. ສຳລັບໄລຍະ 2 ໄດ້ເລີ່ມຂຶ້ນໃນວັນທີ 17 ກຸມພານີ້ໃນຂອບເຂດທົ່ວປະເທດ, ພະນັກງານບໍລິການສາທາລະນະ 16,9 ລ້ານຄົນທີ່ໄດ້ສັກວັກຊີນລວມມີລັດຖະກອນ, ເຈົ້າໜ້າທີ່ທະຫານແລະຕຳຫຼວດ, ພໍ່ຄ້າຊາວຂາຍ, ນັກຂ່າວ, ນັກກິລາ ແລະ ອື່ນໆ. ຕອນເຊົ້າມື້ດຽວກັນ, ທ່ານໂຈໂຄ ວິໂດໂດ ປະທານາທິບໍດີອິນໂດເນເຊຍໄດ້ໄປສຳຫຼວດກວດເບິ່ງສະພາບການສັກວັກຊີນຢູ່ຕະຫຼາດທ້ອງຖິ່ນແຫ່ງໜຶ່ງ.
ຄຳເຫັນ
0