ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຂດອາເມຣິກາລາຕີນແລະກາຣາອິບ ມີຜູ້ຖືກບົ່ງມະຕິເປັນພະຍາດໂຄວິດ-19 ຫຼາຍກວ່າ 20 ລ້ານກໍລະນີແລ້ວເມື່ອບໍ່ດົນມານີ້. ວັນທີ 18 ກຸມພານີ້, ບຣາຊີນມີຜູ້ຖືກບົ່ງມະຕິເປັນພະຍາດໂຄວິດ-19 ຫຼາຍກວ່າ 10 ລ້ານກໍລະນີ, ກາຍເປັນປະເທດທີ 3 ທີ່ມີຜູ້ຖືກບົ່ງມະຕິເປັນພະຍາດໂຄວິດ-19 ຫຼາຍກວ່າ 10 ລ້ານກໍລະນີເຊິ່ງພຽງຖັດຈາກອາເມຣິກາແລະອິນເດຍ.
ໂດຍໄດ້ຮັບຜົນກະທົບຈາກຫຼາຍປັດໄຈ, ສະພາບການຕ້ານກັບການແຜ່ລະບາດຂອງພະຍາດໂຄວິດ-19 ຢູ່ອາເມຣິກາລາຕີນຍັງຂ້ຽວຂາດຫຼາຍ. ໃນໄລຍະທີ່ຂ້ຽວຂາດນີ້, ວັກຊີນຕ້ານພະຍາດໂຄວິດ-19 ຂອງຈີນໄດ້ຂົນສົ່ງໄປຮອດຫຼາຍປະເທດໃນອາເມຣິກາລາຕີນ, ເຊິ່ງໄດ້ເພີ່ມກຳລັງແລະຄວາມໝັ້ນໃຈໃຫ້ປະເທດເຫຼົ່ານີ້ໃນການຕ້ານກັບການແຜ່ລະບາດຂອງພະຍາດ.
ຕອນບ່າຍວັນທີ 20 ກຸມພານີ້, ວັກຊີນຕ້ານພະຍາດໂຄວິດ-19 ທີ່ຜະລິດໂດຍບໍລິສັດຊີໂນແວັກຈີນງວດທຳອິດ ໄດ້ຂົນສົ່ງໄປຮອດນະຄອນຫຼວງໂບໂກດາປະເທດໂກລົມບີ. ມື້ດຽວກັນ, ວັກຊີນຕ້ານພະຍາດໂຄວິດ-19 ທີ່ຜະລິດໂດຍບໍລິສັດຊີໂນແວັກຈີນງວດທຳອິດກໍ່ໄດ້ຂົນສົ່ງໄປຮອດນະຄອນຫຼວງແມັກຊິກປະເທດແມັກຊິກເຊັ່ນກັນ.
ວັກຊີນຈີນໄດ້ຮັບຄວາມເຊື່ອໝັ້ນຈາກປະເທດອາເມຣິກາລາຕີນນັບມື້ນັບຫຼາຍຂຶ້ນ. ຈາກຈີເລ ຮອດ ບຣາຊິນ, ຈາກເປຣູຮອດໂກລົມບີ, ຫຼາຍປະເທດອາເມຣິກາລາຕີນໄດ້ອະນຸຍາດໃຫ້ນຳໃຊ້ວັກຊິນຕ້ານພະຍາດໂຄວິດ-19 ຂອງຈີນໂດຍດ່ວນ, ໃນນັ້ນ, ມີປະເທດຈຳນວນໜຶ່ງໄດ້ເລີ່ມສັກວັກຊີນຈີນຢ່າງຂະໜາດໃຫຍ່ແລ້ວ, ປະມຸກລັດຫຼາຍປະເທດ ເຊັ່ນ: ເປຣູແລະຈີເລຍັງໄດ້ນຳໜ້າໝູ່ສັກວັກຊີນຈີນ.
ຄຳເຫັນ
0