ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສຳນັກຂ່າວສານປະເທດຕຸຍນີຊີລາຍງານໃນວັນທີ 20 ກຸມພານີ້ວ່າ: ນັກຄົ້ນຄວ້າໄດ້ພົບເຊື້ອພະຍາດໂຄວິດ-19 ທີ່ກາຍພັນຊະນິດໃໝ່ຢູ່ຕຸຍນີຊີ. ປັດຈຸບັນ,ມີຜູ້ເປັນພະຍາດໂຄວິດ-19 ສອງຄົນໄດ້ຕິດເຊື້ອພະຍາດຊະນິດນີ້ແລ້ວ, ໃນນີ້ ມີຜູ້ໜຶ່ງໄດ້ເສຍຊີວິດແລ້ວ.
ຕາມຂ່າວແຈ້ງວ່າ: ຜູ້ຕິດເຊື້ອພະຍາດໂຄວິດ-19 ກາຍພັນຊະນິດໃໝ່ສອງຄົນນີ້ແມ່ນຖືກກວດພົບໃນເວລາກວດຫາເຊື້ອເມື່ອ 2 ມື້ກ່ອນ. ໃນນີ້ ຜູ້ຕິດເຊື້ອຄົນໜຶ່ງ ມີອາຍຸ 70 ປີ, ເປັນພະຍາດຫຼອດເລືອດຫົວໃຈແລະພະຍາດເບົາຫວານ, ຜົນກວດຫາເຊື້ອໃນເບື້ອງຕົ້ນເປັນຜົນລົບ, ຫຼັງຈາກທີ່ກວດຫາເຊື້ອພະຍາດອີກຕື່ມຈິ່ງພົບວ່າໄດ້ຕິດເຊື້ອໂຄວິດ-19. ນັກຄົ້ນຄວ້າໄດ້ວິເຄາະລຳດັບແຊນຂອງເຊື້ອພະຍາດແລ້ວພົບວ່າ ເປັນເຊື້ອພະຍາດໂຄວິດ-19 ກາຍພັນຊະນິດໃໝ່. ຜູ້ຕິດເຊື້ອອີກຄົນໜຶ່ງເປັນຜູ້ຊາຍອາຍຸ 17 ປີ ທີ່ຕິດເຊື້ອແຕ່ບໍ່ສະແດງອາການ.
ຜົນກວດໃນເບື້ອງຕົ້ນບໍ່ໄດ້ສະແດງໃຫ້ເຫັນວ່າ ເຊື້ອພະຍາດໂຄວິດ-19 ທີ່ກາຍພັນໃໝ່ດັ່ງກ່າວຈະພາໃຫ້ມີອາການຮ້າຍແຮງກວ່າເກົ່າຫຼືແຜ່ເຊື້ອໄດ້ໄວກວ່າເກົ່າຫຼືບໍ? ປັດຈຸບັນ, ຕຸຍນີຊີກຳລັງກວດວິເຄາະເຊື້ອພະຍາດທີ່ກາຍພັນຊະນິດໃໝ່ຕາມມາດຕະຖານທີ່ກ່ຽວຂ້ອງ.
ຄຳເຫັນ
0