ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ສະມາຄົມການໂອນເງິນລະຫວ່າງທະນາຄານທົ່ວໂລກຜ່ານເຄືອຂ່າຍໂທລະຄົມ ຫຼື SWIFT ໄດ້ເຜີຍແຜ່ຕົວເລກວ່າ: ໃນເດືອນມັງກອນຜ່ານມາ, ໃນການຈັດອັນດັບສະກຸນເງິນທີ່ໃຊ້ໃນການຊຳລະສະສາງທົ່ວໂລກໂດຍອີງໃສ່ສະຖິຕິຈຳນວນເງິນ, ສະກຸນເງິນຢວນຈີນໃຊ້ໃນການຊຳລະສະສາງສາກົນໄດ້ກວມອັດຕາສ່ວນເພີ່ມຂຶ້ນຢ່າງຫຼວງຫຼາຍ, ຢູ່ອັນດັບ 5 ຂອງໂລກ. ຜູ້ຊ່ຽວຊານເຫັນວ່າ: ການຊຳລະສະສາງດ້ວຍເງິນຢວນຈີນໃນສາກົນມີ “ການເລີ່ມຕົ້ນທີ່ດີ” ໃນປີນີ້ ເຊິ່ງບໍ່ພຽງແຕ່ເປັນການສົ່ງສັນຍານທີ່ດີສຳລັບເງິນຢວນຈີນທີ່ກາຍເປັນເງິນຕາສາກົນໄດ້ຮັບຄວາມຄືບໜ້າທີ່ດີເທົ່ານັ້ນ, ຍັງສະແດງໃຫ້ເຫັນວ່າບົດບາດຂອງສະກຸນເງິນຢວນຈີນໃນລະບົບເງິນຕາສາກົນໄດ້ຖືກຍົກສູງຂຶ້ນຢ່າງບໍ່ຢຸດຢັ້ງ.
ທ່ານເວີ່ນປິ່ນ ຫົວໜ້ານັກຄົ້ນຄວ້າຂອງທະນາຄານມິນເຊີ່ງ (MINSHENG) ຈີນເຫັນວ່າ: ສະກຸນເງິນຢວນຈີນໃນການຊຳລະສະສາງສາກົນໄດ້ກວມອັດຕາສ່ວນເພີ່ມຂຶ້ນຢ່າງຫຼວງຫຼາຍໃນໄລຍະມໍ່ໆມານີ້, ຕົ້ນຕໍແມ່ນຍ້ອນສະພາບການການຄ້າຕ່າງປະເທດຂອງຈີນມີທ່າອ່ຽງທີ່ດີ ແລະຄ່າເງິນຢວນມີຄວາມໝົ້ນຄົງໂດຍລວມ.
ໃນເດືອນກໍລະກົດປີ 2009, ຈີນໄດ້ເລີ່ມຈຸດທົດລອງຊຳລະສະສາງໃຫ້ເງິນຢວນໃນການຄ້າຂາຍຂ້າມຊາດ. ແລ້ວຂະຫຍາຍຂອບເຂດຈຸດທົດລອງໃຫ້ກວ້າງອອກເປັນກ້າວໆ, ເຮັດໃຫ້ຂະໜາດ ແລະອັດຕາສ່ວນຂອງການຊຳລະສະສາງດ້ວຍເງິນຢວນຈີນໃນດ້ານການຄ້າຕ່າງປະເທດເພີ່ມຂຶ້ນຢ່າງບໍ່ຢຸດຢັ້ງ.
ຄຳເຫັນ
0