ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ກຸມພານີ້, ສຳນັກຂ່າວສານນັກສຶກສາອີຣານໄດ້ລາຍງານວ່າ: ທ່ານຄຣອດຊີຜູ້ອຳນວຍການໃຫຍ່ອົງການພະລັງງານປະລະມານູສາກົນໄດ້ສຳເລັດການຢ້ຽມຢາມອີຣານ ແລະໄດ້ອອກຖະແຫຼງການຮ່ວມກັນ.
ທ່ານຄຣອດຊີກ່າວວ່າ: ຮູ້ສຶກເສຍດາຍຫຼາຍທີ່ອີຣານຈະຢຸດຕິການຈັດຕັ້ງປະຕິບັດສັນຍາເພີ່ມຕື່ມດ້ວຍຄວາມສະໝັກໃຈ, ແຕ່ຈຳນວນການກວດກາຂອງອົງການພະລັງງານປະລະມານູສາກົນໃນອີຣານຈະບໍ່ຫຼຸດລົງ. ພາຍຫຼັງໄດ້ຈັດການເຈລະຈາຢ່າງເຄັ່ງຕຶງກັບອີຣານແລ້ວ, ສອງຝ່າຍໄດ້ບັນລຸໝາກຜົນຢ່າງຕັ້ງໜ້າ ແລະບັນລຸຄວາມເຫັນທີ່ເປັນເອກະພາບກັນ. ອີຣານຈະຢຸດຕິການຈັດຕັ້ງປະຕິບັດສັນຍາເພີ່ມຕື່ມດ້ວຍຄວາມສະໝັກໃຈ, ແຕ່ສອງຝ່າຍໄດ້ບັນລຸສັນຍາພິເສດຊົ່ວຄາວສະບັບໜຶ່ງ, ເພື່ອສ້າງຄວາມສະດວກໃຫ້ກັບອົງການພະລັງງານປະລະມານູສາກົນໄດ້ສືບຕໍ່ຕິດຕາມກວດກາການເຄື່ອນໄຫວດ້ານນີວເຄຼຍຂອງອີຣານ. ສັນຍາດັ່ງກ່າວມີອາຍຸການ 3 ເດືອນ ເຊິ່ງຈະເປັນເງື່ອນໄຂທີ່ດີເພື່ອຊຸກຍູ້ການຈັດການເຈລະຈາທາງການເມືອງຂອງບັນດາຝ່າຍ.
ຄຳເຫັນ
0