ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງບໍ່ດົນມານີ້, ກະຊວງສາທາລະນະສຸກແລະແຮງງານຍີ່ປຸ່ນໄດ້ອອກຖະແຫຼງການວ່າ ຢູ່ປະເທດຕົນມີ 2 ຄົນຖືກສົງໄສວ່າ ເກີດມີອາການແພ້ຢາພາຍຫຼັງທີ່ໄດ້ສັກວັກຊີນປ້ອງກັນພະຍາດໂຄວິດ-19 ທີ່ບໍລິສັດ Pfizer ອາເມຣິກາແລະບໍລິສັດBioNTech ຂອງເຢຍລະມັນຮ່ວມກັນຄົ້ນຄວ້າພັດທະນາ.
ຖະແຫຼງການລະບຸວ່າ: ມີຜູ້ໜຶ່ງເມື່ອສັກວັກຊີນແລ້ວໄດ້ເກີດມີອາການເປັນລົມພິດຫຼື Urticarial , ອີກຜູ້ໜຶ່ງມີອາການໜາວສັ່ນ. ຕາມສື່ມວນຊົນຍີ່ປຸ່ນລາຍງານວ່າ: ນີ້ເປັນເທື່ອທຳອິດທີ່ປະເທດຕົນໄດ້ລາຍງານກ່ຽວກັບຜູ້ຖືກສົງໄສທີ່ເກີດມີອາການແພ້ຢາຫຼັງສັກວັກຊີນໂຄວິດ-19, ໜ່ວຍງານຜູ້ຊ່ຽວຊານຈະຄົ້ນຄວ້າວ່າກໍລະນີເກີດມີອາການແພ້ຢາມີສ່ວນພົວພັນກັບການສັກວັກຊີນຫຼືບໍ.
ຍີ່ປຸ່ນເລີ່ມສັກວັກຊີນປ້ອງກັນພະຍາດໂຄວິດ-19 ຂອງບໍລິສັດ Pfizer ໃຫ້ປະຊາຊົນ. ຕາມແຜນການແລ້ວ, ຍີ່ປຸ່ນຈະໃຫ້ບູລິມະສິດ ສັກວັກຊີນໃຫ້ພະນັກງານແພດ-ໝໍ 3 ລ້ານກວ່າຄົນໃນທົ່ວປະເທດກ່ອນໝູ່, ແລະຈະສັກວັກຊີນໃຫ້ຜູ້ອາຍຸສູງແລະຜູ້ເປັນພະຍາດຕ່າງໆເລີ່ມແຕ່ເດືອນເມສາໜ້ານີ້ເປັນຕົ້ນໄປ.
ຄຳເຫັນ
0