ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກສະຖິຕິຂອງມະຫາວິທະຍາໄລຈອນ ຮອບກິນສອາເມຣິກາສະແດງໃຫ້ເຫັນວ່າ: ນັບມາຮອດເວລາ 7 ໂມງ 30 ນາທີຂອງວັນທີ 22 ກຸມພານີ້ຕາມເວລາວຽງຈັນ, ຜູ້ຖືກບົ່ງມະຕິເປັນພະຍາດໂຄວິດ-19 ຢູ່ອາເມຣິກາມີຫຼາຍກວ່າ 28 ລ້ານກໍລະນີ, ມີຜູ້ເສຍຊີວິດແລ້ວເຖິງ 498.880 ກໍລະນີ, ນີ້ເປັນຕົວເລກສູງສຸດໃນໂລກ.
ນອກນີ້, ເຊື້ອພະຍາດໂຄວິດ-19 ກາຍພັນທີ່ໄດ້ພົບເຫັນຢູ່ອັງກິດແລະອາຟິຣກາໃຕ້ກໍໄດ້ປະກົດເຫັນຢູ່ຫຼາຍແຫ່ງຂອງອາເມຣິກາ. ຕົວເລກຂໍ້ມູນຂອງສູນປ້ອງກັນແລະຄວບຄຸມພະຍາດອາເມຣິກາໄດ້ສະແດງໃຫ້ເຫັນວ່າ: ນັບມາຮອດວັນທີ 18 ກຸມພາຕາມເວລາທ້ອງຖິ່ນ, ຢູ່ 43 ລັດຂອງອາເມຣິກາ ລວມມີຜູ້ຕິດເຊື້ອພະຍາດກາຍພັນຈຳນວນ 1549 ຄົນ. ຜູ້ຊ່ຽວຊານກ່າວວ່າ: ເຊື້ອພະຍາດກາຍພັນມີຄວາມແຂງແຮງກວ່າເກົ່າໃນການແຜ່ລະບາດ, ອາດຈະເຮັດໃຫ້ອາເມຣິກາມີຜູ້ເປັນພະຍາດເພີ່ມໃໝ່ໄວກວ່າເກົ່າ ແລະອາດຈະເຮັດໃຫ້ມີຜູ້ເສຍຊີວິດຫຼາຍກວ່າເກົ່າ ເຊິ່ງຈະກາຍເປັນວິກິດການອີກຄັ້ງໃໝ່.
ທ່ານອັນໂຕນີ ຟາວຊີ ຜູ້ຊ່ຽວຊານພະຍາດຕິດແປດທັງເປັນໜຶ່ງໃນທີ່ປຶກສາດ້ານສາທາລະນະສຸກຄົນສຳຄັນຂອງອາເມຣິກາກ່າວໃນວັນທີ 21 ກຸມພານີ້ວ່າ: ຊາວອາເມຣິກາອາດຈະຕ້ອງໃສ່ຜ້າປິດປາກເພື່ອປ້ອງກັນພະຍາດໂຄວິດ-19 ຈົນຮອດປີ 2022. ທ່ານຍັງກ່າວວ່າ: ປັດຈຸບັນ, ຄົນອາເມຣິກາທັງຫຼາຍມີຄວາມເບື່ອໜ່າຍຕໍ່ມາດຕະການປ້ອງກັນພະຍາດ ແລະກໍບໍ່ໃຫ້ຄວາມສົນໃຈຢ່າງພຽງພໍຕໍ່ກັບການແຜ່ລະບາດຂອງເຊື້ອພະຍາດທີ່ກາຍພັນ, ສິ່ງນີ້ອາດຈະເຮັດໃຫ້ການແຜ່ລະບາດຂອງພະຍາດຮ້າຍແຮງຂຶ້ນຕື່ມ.
ຄຳເຫັນ
0