ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ກຸມພານີ້, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມຂັ້ນສູງຂອງສະພາສິດທິມະນຸດອົງການສະຫະປະຊາຊາດຄັ້ງທີ 46 ແລະກ່າວຄຳປາໄສຜ່ານທາງວິດີໂອຢູ່ນະຄອນຫຼວງປັກກິ່ງ.
ທ່ານຫວາງຢີ້ກ່າວວ່າ: ໂດຍຜະເຊີນໜ້າກັບສະພາບການປ່ຽນແປງອັນໃຫຍ່ຫຼວງແລະສະພາບການແຜ່ລະບາດຂອງພະຍາດໂຄວິດ-19 ທີ່ບໍ່ເຄີຍມີມາກອນໃນຮອບຮ້ອຍປີມານີ້, ຄັ້ນຊັ້ນ ຈະສົ່ງເສີມແລະປົກປັກຮັກສາສິດທິມະນຸດແນວໃດ? ຈີນມີຈຸດຢືນຄື: ໜຶ່ງ, ຍຶດໝັ້ນແນວຄວາມຄິດສິດທິມະນຸດທີ່ຖືປະຊາຊົນເປັນໃຈກາງ; ສອງ, ຍຶດໝັ້ນການປະສານສົມທົບກັນລະຫວ່າງລັກສະນະທົ່ວໄປຂອງສິດທິມະນຸດກັບສະພາບຕົວຈິງຂອງປະເທດຕ່າງໆ; ສາມ, ຍຶດໝັ້ນການສົ່ງເສີມສິດທິມະນຸດປະເພດຕ່າງໆຢ່າງເປັນລະບົບ; ສີ່, ຍຶດໝັ້ນການສົນທະນາແລະການຮ່ວມມືດ້ານສິດທະມະນຸດໃນສາກົນ.
ທ່ານຍັງກ່າວເນັ້ນວ່າ: ຈີນຄັດຄ້ານການແຊກແຊງວຽກງານພາຍໃນຂອງປະເທດອື່ນໂດຍສວຍໃຊ້ບັນຫາສິດທິມະນຸດ. ແຕ່ໃດໆມາ, ເຂດຊິ່ນຈ່ຽງບໍ່ເຄີຍມີ “ການດັບສູນເຊື້ອຊາດເຜົ່າພັນ”, “ການບັງຄັບການອອກແຮງງານ” ແລະ “ການຂົ່ມເຫັງທາງສາສະໜາ”. ຖ້ອຍຄວາມທີ່ເຮັດໃຫ້ຊາວໂລກຕື່ນຕົກໃຈເຫຼົ່ານີ້ເກີດຂຶ້ນຍ້ອນວ່າບໍ່ຮູ້ຄວາມຈິງແລະອະຄະຕິ, ເປັນການໂຄສະນາຊວນເຊື່ອທາງການເມືອງດ້ວຍເຈດຕະນາບໍ່ດີ ແລະກົງກັນຂ້າມກັບຄວາມຈິງ. ສ່ວນກົດໝາຍຮັກສາຄວາມໝັ້ນຄົງແຫ່ງຊາດຂອງຮົງກົງກໍໄດ້ເຮັດໃຫ້ສະພາບຄວາມວຸ້ນວາຍຂອງຮົງກົງໄດ້ຮັບການຄຸ້ມຄອງໄດ້ດີ, ທັງໄດ້ປົກປັກຮັກສາສິດແລະເສລີພາບທີ່ຖືກຕ້ອງຕາມກົດໝາຍຂອງປະຊາຊົນຮົງກົງ.
ຄຳເຫັນ
0