ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ກຸມພານີ້, ກອງປະຊຸມສະພາສິດທິມະນຸດອົງການສະຫະປະຊາຊາດຄັ້ງທີ 46 ໄດ້ຈັດຂຶ້ນຢູ່ຫໍປະຊຸມນານາຊາດທີ່ເຊີແນວ. ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດໄດ້ກ່າວຄຳປາໄສ ໂດຍກ່າວເຕືອນໃຫ້ປະຊາຄົມໂລກຈົ່ງແບ່ງປັນວັກຊີນໂຄ ວິດ-19 ຢ່າງຍຸດຕິທຳ.
ທ່ານກູເຕີເຣສ ກ່າວວ່າ: ສະພາບພະຍາດໂຄວິດ-19 ທີ່ແຜ່ລະບາດໃນທົ່ວໂລກ ໄດ້ສະແດງໃຫ້ເຫັນວ່າ: ມວນມະນຸດມີການພົວພັນຕິດຕໍ່ກັນໃນຂົງເຂດຕ່າງໆ. ແຕ່ສະພາບພະຍາດຄັ້ງນີ້ໄດ້ເຮັດໃຫ້ຄວາມຂັດແຍ້ງ, ຄວາມອ່ອນແອ ແລະຄວາມບໍ່ສະເໝີພາບກັນທີ່ມີຢູ່ແລ້ວເພີ່ມຂຶ້ນ, ທັງສ້າງບັນຫາໃໝ່ຂຶ້ນມາຕື່ມອີກ ເຊິ່ງລວມທັງບັນຫາສິດທິມະນຸດ, ເຮັດໃຫ້ມີການລະເມີດສິດທິມະນຸດເກີດຂຶ້ນເລື້ອຍໆ, ຊີວິດການເປັນຢູ່ຂອງຄອບຄົວຫຼາຍຮ້ອຍລ້ານຄົນຖືກລົບກວນຢ່າງຮ້າຍແຮງ, ອັດຕາຄວາມທຸກຍາກທີ່ສຸດເພີ່ມຂຶ້ນເປັນຄັ້ງທຳອິດໃນຫຼາຍສິບປີມານີ້.
ທ່ານກ່າວຕື່ມວ່າ: ວັກຊີນໂຄວິດ-19 ບໍ່ໄດ້ຮັບການນຳໃຊ້ຢ່າງຍຸຕິທຳແມ່ນບັນຫາໃໝ່ທີ່ທົ່ວໂລກຜະເຊີນຢູ່. “ມາຮອດປັດຈຸບັນນີ້, ວັກຊີນໂຄວິດ-19 ທີ່ນຳໃຊ້ໂດຍ 10 ປະເທດໄດ້ກວມ 75% ຂອງວັກຊິນທັງໝົດ. ຄວາມຍຸຕິທຳດ້ານວັກຊິນກໍຄືການປົກປັກຮັກສາສິດທິມະນຸດ. ລັດທິຊາດນິຍົມດ້ານວັກຊີນກໍແມ່ນການບໍ່ເອົາຫົວຊານຳສິດທິມະນຸດ.ວັກຊິນຕ້ອງກາຍເປັນຜະລິດຕະພັນສາທະລະນະຂອງ ໂລກ ເພື່ອໃຫ້ທຸກຄົນເຂົ້າເຖິງແລະສາມາດຊື້ໄດ້.”
ຄຳເຫັນ
0