ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ກຸມພານີ້, ອົງການແຮງງານສາກົນໄດ້ປະກາດບົດລາຍງານວ່າ: ການພັດທະນາຢ່າງຄຶກຄັກຂອງເວທີແຮງງານດີຈີຕອນໄດ້ສ້າງໂອກາດ ແລະສິ່ງທ້າທາຍໃຫ້ແກ່ຜູ້ອອກແຮງງານ ແລະວິສາຫະກິດ, ສະນັ້ນ ຕ້ອງເພີ່ມທະວີການປະສານງານດ້ານນະໂຍບາຍ ແລະການຮ່ວມມືສາກົນ ເພື່ອຕິດຕາມ ແລະຄຸ້ມຄອງເວທີດັ່ງກ່າວເປັນຢ່າງດີ.
ອົງການດັ່ງກ່າວໄດ້ປະກາດບົດລາຍງານ “ຈ້ອງເບິ່ງການປະກອບອາຊີບ ແລະສັງຄົມຂອງໂລກໃນປີ 2021” ໃນມື້ດຽວກັນວ່າ: ໃນໄລຍະ 1 ທົດສະວັດຜ່ານມາ, ຂະໜາດຂອງເວທີແຮງງານດີຈີຕອນທົ່ວໂລກໄດ້ເພີ່ມຂຶ້ນ 5 ເທົ່າ ເຊິ່ງບໍ່ພຽງແຕ່ສາມາດສະໜອງວຽກເຮັດງານທຳໃໝ່ໃຫ້ແກ່ແມ່ຍິງ, ຄົນພິການ, ຊາວໜຸ່ມ ແລະຜູ້ດ້ອຍໂອກາດໃນຕະຫຼາດແຮງງານດັ້ງເດີມໄດ້ເທົ່ານັ້ນ, ຍັງເຮັດໃຫ້ວິສາຫະກິດສາມາດມີແຮງງານທີ່ມີສີມືດ້ານຕ່າງໆ ແລະມີໄຫວພິບຢ່າງຫຼວງຫຼາຍ.
ແຕ່ຂະນະດຽວກັນ, ຜູ້ອອກແຮງງານ ແລະວິສາຫະກິດຍັງຜະເຊີນໜ້າກັບສິ່ງທ້າທາຍໃໝ່. ຜູ້ອອກແຮງງານໄດ້ຜະເຊີນໜ້າກັບສິ່ງທ້າທາຍກ່ຽວກັບກົດເກນດ້ານເງື່ອນໄຂເຮັດວຽກ, ເວລາເຮັດວຽກ ແລະຄ່າຈ້າງ, ກໍຄືການບໍ່ມີປະກັນສັງຄົມ ແລະອື່ນໆ; ສ່ວນວິສາຫະກິດໄດ້ຜະເຊີນໜ້າກັບການແຂ່ງຂັນທີ່ບໍ່ເປັນທຳ, ຂໍ້ມູນ ແລະລາຄາບໍ່ມີຄວາມໂປ່ງໃສ, ຄ່າຈ້າງຂອງແຮງງານສູງ ແລະສິ່ງທ້າທາຍອື່ນໆ.
ຄຳເຫັນ
0