ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫຼັງຈາກກອງປະຊຸມສອງສະພາທົ່ວປະເທດຈີນໃນປີນີ້ໄດ້ສິ້ນສຸດລົງແລ້ວ, ທ່ານສີຈິ້ນຜິງໄດ້ເດີນທາງໄປສຳຫຼວດກວດກາວຽກງານຢູ່ແຂວງຟູຈ້ຽນເປັນແຂວງທຳອິດ, ໃນການເດີນທາງຄັ້ງນີ້, ບ່ອນທຳອິດກໍແມ່ນພູອູອີ.
ວັນທີ 22 ມີນານີ້, ທ່ານສີຈິ້ນຜິງໄດ້ເດີນທາງໄປສູນຄຸ້ມຄອງອັດສະລິຍະໃນສວນອຸທິຍານແຫ່ງຊາດພູອູອີນະຄອນນານຜິງ, ສວນຊານິເວດເຢ້ນຈືເຄີ່ຕາແສງຊິ່ນຊຸ່ນ, ແລະ ແຫ່ງອື່ນໆເພື່ອຮັບຮູ້ສະພາບການສ້າງສາຄວາມສິວິໄລດ້ານນິເວດ ແລະການພັດທະນາອຸດສາຫະກຳຊາ.
ບໍ່ວ່າຢູ່ສູນຄຸ້ມຄອງຫຼືສວນຊານິເວດ, “ວິທະຍາສາດເຕັກນິກ” “ອັດສະລິຍະ” ລ້ວນແຕ່ແມ່ນຄຳສັບທີ່ສຳຄັນຂອງທ່ານສີຈິ້ນຜິງໃນເວລາໄປສຳຫຼວດກວດກາ..
ຫວ່າງກ່ອນນີ້ບໍ່ດົນ, ໃນເວລາທີ່ເຂົ້າຮ່ວມການປຶກສາຫາລືກັບຄະນະຜູ້ແທນກອງປະຊຸມສອງສະພາທົ່ວປະເທດ, ທ່ານສີຈິ້ນຜິງໄດ້ກ່າວວ່າ: ຕ້ອງຊຸກຍູ້ອຸດສາຫະກຳທີ່ກ່ຽວຂ້ອງໃຫ້ກ້າວໄປສູ່ລະດັບສູງ, ແບບອັດສະລິຍະ ແລະ ແບບສີຂຽວ, ຍົກສູງຄວາມສາມາດຄໍ້າຊູຂອງວິທະຍາສາດເຕັກນິກຢ່າງບໍ່ຢຸດຢັ້ງ.
ສວນອຸທິຍານແຫ່ງຊາດພູອູອີ, ແມ່ນສວນອຸທິຍານແຫ່ງຊາດພຽງແຫ່ງດຽວທີ່ສ້າງຢູ່ສະຖານທີ່ທີ່ມີມໍລະດົກໂລກດ້ານທຳມະຊາດ ແລະວັດທະນະທຳ. ສູນຄຸ້ມຄອງແບບອັດສະລິຍະຂອງສວນແຫ່ງນີ້ໄດ້ເສີມຂະຫຍາຍບົດບາດທີ່ສຳຄັນໃນວຽກງານຄຸ້ມຄອງປະຈຳວັນ.
ແຂວງຟູຈ້ຽນມີພູຜາທີ່ມີຊື່ສຽງຫຼາຍແຫ່ງ, ປະຈຸບັນ ແຂວງນີ້ພວມຊຸກຍູ້ການນຳໃຊ້ເຕັກໂນໂລຊີຂໍ້ມູນໃຫຍ່, ລະບົບອິນເຕີເນັດແຫ່ງສັບພະສິ່ງ, ບຣອກເຊນ ແລະອື່ນໆໃນວຽກງານປ່າໄມ້.
ຢູ່ສວນຊານິເວດເຢ້ນຈືເຄີ່ ຕາແສງຊິ່ງຊຸ່ນ, ທ່ານສີຈິ້ນຜິງໄດ້ກວດເບິ່ງສະພາບການເຕີບໃຫຍ່ຂອງໃບຊາໃນລະດູໃບໄມ້ປົ່ງ, ຮັບຮູ້ສະພາບການພັດທະນາອຸດສາຫະກຳຊາຢູ່ທ້ອງຖິ່ນແຫ່ງນັ້ນ.
ຢູ່ສວນຊານິເວດຂອງພູອູອີ, ກໍໄດ້ນຳໃຊ້ເຕັກໂນໂລຊີອັດສະລິຍະທີ່ທັນສະໄໝເຊັ່ນກັນ.
ຕົວຢ່າງວ່າ, ໄດ້ຕິດຕາມແສງຈາກຕາເວັນ, ຄວາມຊຸ່ມ ອຸນຫະພູມ ຄ່າPHຂອງດິນໃນສວນຊາຢູ່ທຸກເວລາ; ວິເຄາະປະລິມານ ແລະປະເພດສັດຕູພືດ ເພື່ອປ້ອງກັນໄພລ່ວງໜ້າທີ່ເກີດຈາກສັດຕູພືດ; ຊ່ວຍຊາວສວນຊາປະເມີນຜົນຕະຫຼອດຂະບວນການເຕີບໃຫຍ່ຂອງໃບຊາເພື່ອຮັບປະກັນຄຸນນະພາບ, ແລະອື່ນໆອີກ.
ການຄຸ້ມຄອງສວນຊາໂດຍຜ່ານລະບົບອິນເຕີເນັດແຫ່ງສັບພະສິ່ງ, ເຮັດໃຫ້ການພັດທະນາຂອງສວນຊານິເວດມີປະສິດທິຜົນເພີ່ມຂຶ້ນເລື້ອຍໆ.
ນັບແຕ່ກອງປະຊຸມໃຫຍ່ ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ສູນກາງພັກກອມມູນິດຈີນທີ່ມີທ່ານສີຈິ້ນຜິງເປັນແກນນຳໄດ້ໃຫ້ຄວາມສຳຄັນຢ່າງສູງຕໍ່ການພັດທະນາເຕັກໂນໂລຊີຂໍ້ມູນຂ່າວສານ, ເພີ່ມທະວີການອອກແບບໃນລະດັບສູງສຸດ ແລະວາງແຜນແມ່ບົດໂດຍລວມ, ຊຸກຍູ້ການສ້າງສາ “ປະເທດຈີນດິຈີຕອນ” ຢ່າງແຂງແຮງ.
ວິທະຍາສາດເຕັກນິກແບບອັດສະລິຍະ, ພວມສະໜອງແຮງຂັບເຄື່ອນທີ່ບໍ່ເຫືອດແຫ້ງໃຫ້ກັບການພັດທະນາເສດຖະກິດ-ສັງຄົມແບບສີຂຽວຢ່າງຮອບດ້ານ.
ຄຳເຫັນ
0