ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແຕ່ວັນທີ 30 ມີນາຫາວັນທີ 2 ເມສານີ້, ທ່ານວຸລາດີມີຣ ໂນໂຣຟ ເລຂາທິການໃຫຍ່ອົງການຮ່ວມມືຊຽງໄຮ ກໍຄືທູຕານຸທູດ ແລະນັກການທູດຂອງ 21 ປະເທດປະຈຳຈີນໄດ້ເດີນທາງໄປຢ້ຽມຢາມນະຄອນອູລຸມກີ, ເມືອງກາຊິກາ ແລະອະເກີສຸຂອງເຂດປົກຄອງຕົນເອງອຸຍເກີຊີ່ນຈ່ຽງ ເພື່ອຮັບຮູ້ຜົນສຳເລັດດ້ານການພັດທະນາສັງຄົມ ແລະການບັບປຸງຊີວິດການເປັນຢູ່ຂອງປະຊາຊົນທ້ອງຖິ່ນດັ່ງກ່າວ. ເຂົາເຈົ້າເຫັນວ່າ: ການຕ້ານການກໍ່ການຮ້າຍ ແລະລຶບລ້າງລັດທິຫົວຮຸນແຮງຢູ່ຊິ່ນຈ່ຽງໄດ້ຮັບຜົນສຳເລັດຢ່າງພົ້ນເດັ່ນ, ສິດທິພື້ນຖານຂອງປະຊາຊົນບັນດາເຜົ່າໄດ້ຮັບການຮັບປະກັນ ແລະເຄົາລົບຢ່າງເຕັມສ່ວນ, ສະພາບການທີ່ດີທີ່ສັງຄົມມີສະຖຽນລະພາບ ແລະປະຊາຊົນຢູ່ດີມີສຸກກໍເປັນຫຼັກຖານທີ່ດີທີ່ສຸດໃນການຕອບໂຕ້ຖ້ອຍຄຳທີ່ໃສ່ຮ້າຍບ້າຍສີເຂດຊີ່ນຈ່ຽງ.
ຄະນະຜູ້ແທນທັດສະນະສຶກສາໄດ້ຢ້ຽມຊົມການວາງສະແດງພາຍໃຕ້ຫົວຂໍ້ການຕ້ານການກໍ່ການຮ້າຍ ແລະລຶບລ້າງລັດທິຫົວຮຸນແຮງຢູ່ຊິ່ນຈ່ຽງ, ໂດຍໄດ້ຮັບຮູ້ວ່າຢູ່ເຂດຊີ່ນຈ່ຽງບໍ່ໄດ້ເກີດເຫດການກໍ່ການຮ້າຍໃນໄລຍະ 4 ປີກວ່າຜ່ານມາ, ຄວາມປອດໄພດ້ານຊີວິດ ແລະຊັບສິນຂອງປະຊາຊົນບັນດາເຜົ່າກໍໄດ້ມີການຮັບປະກັນຢ່າງມີປະສິດທິຜົນ.
ທ່ານໂນໂຣຟກ່າວວ່າ: ຮູບພາບກ່ຽວກັບປະຊາຊົນຜູ້ບໍລິສົດຖືກເຄາະຮ້າຍໃນການວາງສະແດງດັ່ງກ່າວໜ້າຕື່ນຕົກໃຈຫຼາຍ. ຊາວໜຸ່ມຖ້າບໍ່ໄດ້ຮັບການສຶກສາ ແລະບໍ່ມີວຽກເຮັດງານທຳຕາມສັນຍາ ມັກຈະຖືກກຸ່ມຫົວຮຸນແຮງຈອບອອຍ. ເຂດຊີ່ນຈ່ຽງສຸມໃສ່ການຝຶກອົບຮົມວິຊາຊີບເພື່ອປ້ອງກັນລັດທິກໍ່ການຮ້າຍ, ຊ່ວຍເຂົາເຈົ້າຊອກຫາວຽກເຮັດງານທຳ, ຂ້າພະເຈົ້າເຫັນວ່າມາດຕະການທີ່ກ່ຽວຂ້ອງເປັນຕາຍ້ອງຍໍຊົມເຊີຍຢ່າງສູງ, ການຮັກສາຄວາມໝັ້ນຄົງ ແລະຄວາມປອດໄພຂອງເຂດຊີ່ນຈ່ຽງຈະປະກອບສ່ວນທີ່ສຳຄັນໃຫ້ກັບບັນດາປະເທດສະມາຊິກຂອງອົງການການຮ່ວມມືຊຽງໄຮ.
ຄຳເຫັນ
0