ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ມະຫາວິທະຍາໄລເບີມິງຮາມອັງກິດໄດ້ອອກຖະແຫຼງການວ່າ: ຄະນະຄົ້ນຄວ້າວິທະຍາສາດຈີນ-ອັງກິດທີ່ປະກອບດ້ວຍນັກຄົ້ນຄວ້າຫຼາຍກວ່າ 150 ຄົນໄດ້ດຳເນີນການສຳຫຼວດສະພາບການມົນລະພິທາງອາກາດຂະໜາດໃຫຍ່ຢູ່ນະຄອນຫຼວງປັກກິ່ງຈີນ, ການສຳຫຼວດສະແດງໃຫ້ເຫັນວ່າ: ເນື່ອງຈາກໄດ້ນຳໃຊ້ການເຄື່ອນໄຫວປັບປຸງອາກາດໃຫ້ສະອາດຄຸນນະພາບອາກາດຂອງນະຄອນຫຼວງປັກກິ່ງຈຶ່ງໄດ້ຮັບການປັບປຸງໃຫ້ດີຂຶ້ນຢ່າງພົ້ນເດັ່ນໃນຫຼາຍປີຜ່ານມາ.
ທ່ານຣອຍ ຮາຣີຊັນ ນັກວິທະຍາສາດຜູ້ນຳພາໂຄງການ ສາສະດາຈານຂອງມະຫາວິທະຍາໄລເບີມິງຮາມກ່າວວ່າ: ວິທີການທີ່ຄະນະຄົ້ນຄວ້າໄດ້ພັດທະນານັ້ນສາມາດຍົກເວັ້ນຜົນສະທ້ອນຈາກປັດໃຈທາງອາກາດ, ຈຶ່ງສາມາດປະເມີນຢ່າງຖືກຕ້ອງກວ່າເກົ່າກ່ຽວກັບຜົນກະທົບຈາກການປ່ຽນແປງຂອງການປ່ອຍມົນລະພິດທີ່ມີຕໍ່ຄະນນະພາບອາກາດ. ພວກຂ້າພະເຈົ້າເຫັນວ່າ: ນະຄອນຫຼວງປັກກິ່ງໄດ້ຮັບຄວາມຄືບໜ້າຢ່າງຫຼວງຫຼາຍໃນດ້ານການປັບປຸງຄຸນນະພາບອາກາດ ໂດຍສະເພາະການຫຼຸດຜ່ອນການປ່ອຍມົນລະພິດຫຼາຍຊະນິດທີ່ໄດ້ຮັບການຕິດຕາມວັດແທກ.
ທ່ານກ່າວຕື່ມວ່າ: ການຮ່ວມມືກັບນັກຄົ້ນຄວ້າວິທະຍາສາດຈີນໄດ້ບັນລຸໝາກຜົນທີ່ດີ, ເຂົາເຈົ້າມີລະດັບການຄົ້ນຄວ້າຢ່າງສູງ, ສອງຝ່າຍກໍໄດ້ຮັບຜົນປະໂຫຍດຫຼາຍໃນການແລກປ່ຽນຄວາມເຫັນເຊິ່ງກັນ ແລະກັນໃນວຽກງານຄົ້ນຄວ້າວິທະຍາສາດ.
ຄຳເຫັນ
0