ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ເມສານີ້, ທ່ານໂຈ ໄບເດັນ ປະທານາທິບໍດີອາເມຣິກາພ້ອມດ້ວຍທ່ານນາງ ຈິວໄບເດັນ ພັນລະຍາຂອງທ່ານ ໄດ້ເຜີຍແຜ່ວີດີໂອຕອນໜຶ່ງ ເພື່ອອວຍພອນປະຊາຊົນຈົ່ງສະບາຍດີໃນວັນອິສເຕີຫຼືວັນລະນຶກພະເຢຊູຄືນຊີບ, ໃນວີດີໂອ, ທ່ານໄບເດັນຍັງສົ່ງເສີມໃຫ້ປະຊາຊົນສັກວັກຊີນປ້ອງກັນພະຍາດໂຄວິດ-19 ໂດຍໄວ.
ທ່ານໄບເດັນກ່າວວ່າ: “ເຊື້ອພະຍາດໂຄວິດ-19ຍັງບໍ່ທັນໄດ້ໝົດສິ້ນໄປ, ພວກເຮົາຫຼາຍໆຄົນຍັງຄົງຮູ້ສຶກເຖິງຄວາມໂດດດ່ຽວແລະຄວາມປາຖະໜາຢ່າງແຮງກ້າທີ່ຢາກເຕົ້າໂຮມກັນຄືນໃໝ່ຍ້ອນໄລຍະຫ່າງທີ່ເກີດຈາກການລະບາດຂອງພະຍາດ. ຜ່ານຈາກການສັກວັກຊີນທັງສົ່ງເສີມໃຫ້ ຄຣິສຈັກແລະເຂດຊຸມຊົນທີ່ພວກເຈົ້າສັງກັດຢູ່ນັ້ນຈັດການສັກວັກຊີນ, ພວກເຮົາບໍ່ພຽງແຕ່ສາມາດເອົາຊະນະເຊື້ອພະຍາດໄດ້ເທົ່ານັ້ນ, ຍັງສາມາດເຮັດໃຫ້ວັນເວລາທີ່ພວກເຮົາຈະສາມາດສະເຫຼີມສະຫຼອງວັນພັກຮ່ວມກັນໄດ້ອີກນັ້ນຈະມາເຖິງໄວກວ່າເກົ່າ”
ຕາມຕົວເລກສະຖິຕິຫຼ້າສຸດຂອງມະຫາວິທະຍາໄລຈອນຮອບຄິສອາເມຣິກາສະແດງໃຫ້ເຫັນວ່າ: ນັບມາຮອດເວລາ 7 ໂມງ 20 ນາທີຂອງວັນທີ 5 ເມສານີ້ຕາມເວລາວຽງຈັນ, ທົ່ວໂລກມີຜູ້ຕິດເຊື້ອພະຍາດໂຄວິດ-19 ທັງໝົດຫຼາຍກວ່າ 130 ລ້ານຄົນ, ຜູ້ເສຍຊີວິດຫຼາຍກວ່າ 2,85 ລ້ານຄົນ. ຍອດຈຳນວນຜູ້ເປັນພະຍາດໂຄວິດ-19 ຂອງອາເມຣິກາມີຫຼາຍກວ່າ 30.700.000 ຄົນ, ມີຜູ້ເສຍຊີວິດຫຼາຍກວ່າ 550.000 ຄົນ.
ຄຳເຫັນ
0