ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 31 ມີນາຫາວັນທີ 3 ເມສານີ້, ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ຕ້ອນຮັບລັດຖະມົນຕີກະຊວງການຕ່າງປະເທດສິງກະໂປ, ມາເລເຊຍ, ອິນໂດເນເຊຍ, ຟິລິບປິນ ແລະ ສ.ເກົາຫຼີທີ່ມາຢ້ຽມຢາມຈີນຢູ່ແຂວງຟູຈ້ຽນ ແລ້ວໄດ້ໃຫ້ສຳພາດຕໍ່ນັກຂ່າວ. ໃນເວລາຕອບຄຳຖາມກ່ຽວກັບການພົວພັນລະຫວ່າງຈີນ-ອາເມຣິກາ, ທ່ານຫວາງຢີ້ກ່າວວ່າ: ກ່ຽວກັບຖ້ອຍຄຳຂອງອາເມຣິກາກ່ຽວກັບການພົວພັນກັບຈີນ ຄື: ການແຂ່ງຂັນ, ການຮ່ວມມື ແລະການເປັນປໍລະປັກກັນ, ຈີນມີຫຼັກໝັ້ນທີ່ຈະແຈ້ງມາໂດຍຕະຫຼອດ. ຖ້າວ່າອາເມຣິກາຢາກສົນທະນາກັບຈີນ, ຈີນຈະເປີດປະຕູຕະຫຼອດໄປ, ແຕ່ການສົນທະນາຄວນຢູ່ບົນພື້ນຖານທີ່ສະເໝີພາບກັນ, ຕ້ອງດຳເນີນໄປດ້ວຍທ່າທີທີ່ເຄົາລົບເຊິ່ງກັນແລະກັນ, ຈີນບໍ່ຮັບຮອງວ່າໃນໂລກນີ້ຍັງມີປະເທດທີ່ຢູ່ເໜືອກວ່າປະເທດອື່ນ, ບໍ່ຮັບຮອງວ່າວຽກງານຂອງໂລກຕັດສິນໂດຍປະເທດໃດໜຶ່ງເທົ່ານັ້ນ.
ທ່ານຫວາງຢີ້ກ່າວວ່າ: ການສົນທະນາກັນຈະດີກວ່າການເປັນປໍລະປັກກັນ, ການຮ່ວມມືກັນຈະດີກວ່າການປະທະກັນ. ຫວັງວ່າອາເມຣິກາຈົ່ງເຄົາລົບຜົນປະໂຫຍດແກນກາງຂອງຈີນຢ່າງແທ້ຈິງ, ມີທ່າທີອັນຖືກຕ້ອງຕໍ່ການພັດທະນາຂອງຈີນ, ຕອບສະໜອງຄວາມປາຖາໜາຂອງປະເທດຢູ່ພາກພື້ນແລະປະຊາຄົມໂລກຢ່າງຕັ້ງໜ້າ, ຮ່ວມກັນກັບຈີນ, ສະແດງທ່າທີທີ່ຄວນມີໃນຖານະເປັນປະເທດໃຫຍ່, ຮ່ວມກັນຮັກສາສັນຕະພາບ, ສະຖຽນລະພາບແລະການພັດທະນາຂອງພາກພື້ນກໍຄືຂອງໂລກ.
ຄຳເຫັນ
0