ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ເມສານີ້, ວັກຊິນໂຄວິດ-19 ທີ່ຈະຜະລິດອີກງວດໜຶ່ງໄດ້ຖືກຂົນສົ່ງຮອດນະຄອນຫຼວງແບນກຼາດປະເທດແຊັກບີ.ທ່ານນາງອານາ ເບີນາບິກ ນາຍົກລັດຖະມົນຕີແຊັກບີ ແລະ ທ່ານເຊີນໂປ່ ເອກອັກຄະລັດຖະທູດຈີນປະຈຳແຊັກບີໄປຕ້ອນຮັບຢູ່ສະໜາມບິນ.
ຢູ່ສະໜາມບິນ, ທ່ານນາງເບີນາບິກໄດ້ສະແດງຄວາມຂອບອົກຂອບໃຈຕໍ່ຈີນທີ່ສະໜອງວັກຊິນໂຄວິດ-19 ອີກງວດໜຶ່ງໃຫ້ແກ່ແຊັກບີ. ທ່ານນາງກ່າວວ່າ: ວັກຊິນງວດນີ້ຖືກສົ່ງຮອດແຊັກບີໄດ້ຢືນຢັນການພົວພັນໝູ່ຄູ່ລະຫວ່າງສອງປະເທດອີກເທື່ອໜຶ່ງ. ຍ້ອນໄດ້ຮັບການສະໜັບສະໜູນ ແລະ ການຊ່ວຍເຫຼືອອັນລ້ຳຄ່າຂອງຈີນ, ແຊັກບີພວມດຳເນີນວຽກງານສັກວັກຊິນຂະໜາດໃຫຍ່ຢ່າງໜັກແໜ້ນໝັ້ນຄົງ, ນີ້ມີຄວາມໝາຍສຳຄັນຕໍ່ການປ້ອງກັນພະຍາດໂຄວິດ-19 ຂອງແຊັກບີຫຼາຍ.
ທ່ານເຊີນໂປ່ກ່າວວ່າ, ຈີນພວມດຳເນີນວຽກງານສັກວັກຊິນຕ້ານພະຍາດໂຄວິດ-19 ຢ່າງຂະໜາດໃຫຍ່ແລະເປັນລະບຽບຮຽບຮ້ອຍ, ຄວາມຕ້ອງການຕໍ່ວັກຊິນພາຍໃນປະເທດຈີນຫຼາຍສົມຄວນ. ແຕ່ຈີນມີທັດສະນະຄະຕິກ່ຽວກັບປະຊາຄົມຮ່ວມຊາຕາກຳມວນມະນຸດ, ຫວັງວ່າວັກຊິນຂອງຈີນຈະສາມາດປະກອບສ່ວນເພື່ອຊ່ວຍແຊັກບີປ້ອງກັນພະຍາດໂຄວິດ-19.
ມາຮອດປັດຈຸບັນ, ແຊັກບີໄດ້ຮັບວັກຊິນໂຄວິດ-19 ທີ່ຜະລິດດ້ວຍກຸ່ມບໍລິສັດການຢາແຫ່ງຊາດຈີນທັງໝົດ 4 ງວດແລ້ວ.
ຄຳເຫັນ
0