ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານອາເລັກຊານດາ ວູຊີກ ປະທານາທິບໍດີແຊັກບີໄດ້ສັກວັກຊິນໂຄວິດ-19ທີ່ຜະລິດໂດຍກຸ່ມບໍລິສັດຢາຊີໂນຟາມຈີນເຂັ້ມທຳອິດໃນວັນທີ 6 ເມສານີ້ຢູ່ທີ່ສູນກັນພະຍາດຂອງບ້ານລຸດນາກຼາວາເມືອງມາຈ໌ດານເພກທີ່ຕັ້ງຢູ່ພາກຕາເວັນອອກຂອງແຊັກບີ.
ພາຍຫລັງສັກຢາວັກຊິນແລ້ວ, ທ່ານອາເລັກຊານດາ ວູຊີກກ່າວວ່າ: ຮູ້ສຶກດີຫລາຍ. ທ່ານກ່າວຕື່ມວ່າ, ທ່ານເອງຍັງຈະສັກວັກຊິນໂຄວິດ-19ເຂັ້ມທີສອງຫລັງຈາກ 3 ອາທິດ, ພ້ອມທັງໄດ້ສະເໜີໃຫ້ມວນຊົນເລືອກສັກຢາວັກຊິນຂອງຈີນ, ການຜະລິດຢາວັກຊິນກໍມີຄວາມໝາຍສຳຄັນຕໍ່ແຊັກບີເຊັ່ນກັນ, ສະນັ້ນ, ຫວັງວ່າຈະມີການຮ່ວມມືກັບຈີນໃນດ້ານການພັດທະນາເຕັກນິກຊີວະພາບ.
ໃນເວລາເວົ້າເຖິງເປັນຫຍັງສັກວັກຊິນໃນໄລຍະນີ້, ທ່ານອາເລັກຊານດາ ວູຊີກກ່າວວ່າ: ມີຂ່າວລືວ່າແຊັກບີມີວັກຊິນໂຄວິດ-19ບໍ່ພຽງພໍ, ທ່ານວູຊີກຈິ່ງຫວັງຢາກສັກວັກຊິນໃນເວລາທີ່ແຊັກບີມີຈຳນວນຜູ້ສັກວັກຊິນເຖິງ 1 ລ້ານຄົນແລ້ວ.
ຫລັງຈາກນັ້ນ, ທ່ານວູຊີກໄດ້ໂພສລົງສື່ສັງຄົມອອນລາຍວ່າ: “ຂອບໃຈພະນັກງານການແພດທີ່ຍິ່ງໃຫຍ່, ຂອບໃຈອ້າຍນ້ອງຈີນ!”
ວັກຊິນໂຄວິດ-19ຂອງຈີນງວດທີ4ໄດ້ສົ່ງຮອດນະຄອນຫຼວງແບນກຼາດປະເທດແຊັກບີໃນວັນທີ 5 ເມສານີ້. ມາຮອດປັດຈຸບັນ, ແຊັກບີໄດ້ຮັບວັກຊິນໂຄວິດ-19ທີຜະລິດໂດຍກຸ່ມບໍລິສັດຢາຊີໂນຟາມຈີນທັງໝົດ 4 ງວດ.
ຄຳເຫັນ
0