ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຈີນໄດ້ປະກາດປື້ມປົກຂາວເລື່ອງພຶດຕິກຳຈີນໃນການຫລຸດຜ່ອນຄວາມທຸກຍາກຂອງມວນມະນຸດໃນຫວ່າງມໍ່ໆນີ້, ໃນເວລາແນະນຳສະພາບການກ່ຽວຂ້ອງໃນວັນທີ 7 ເມສານີ້, ທ່ານຈ້າວລີ້ຈ່ຽນ ໂຄສົກະຊວງການຕ່າງປະເທດຈີນກ່າວວ່າ: ພຶດຕິກຳຈີນໃນການຫລຸດຜ່ອນຄວາມທຸກຍາກສະແດງໃຫ້ເຫັນວ່າ: ຄວາມທຸກຍາກບໍ່ແມ່ນສິ່ງທີ່ເອົາຊະນະບໍ່ໄດ້.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ, ທ່ານຈ້າວລີ້ຈ່ຽນກ່າວວ່າ: ປຶ້ມປົກຂາວເລື່ອງພຶດຕິກຳຈີນໃນການຫລຸດຜ່ອນຄວາມທຸກຍາກຂອງມວນມະນຸດໄດ້ຫວນຄືນຢ່າງຮອບດ້ານກ່ຽວກັບຂະບວນການອັນຍິ່ງໃຫຍ່ທີ່ພັກກອມມູນິດຈີນເຕົ້າໂຮມ ແລະນຳພາປະຊາຊົນຈີນຕໍ່ສູ້ກັບຄວາມທຸກຍາກ, ໂດຍສະເພາະແມ່ນພາຍຫລັງກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ແນະນຳການຄົ້ນຄວ້າ ແລະພຶດຕິກຳຂອງຈີນໃນດ້ານການຫລຸດຜ່ອນຄວາມທຸກຍາກຂອງມວນມະນຸດ, ທັງໄດ້ແບ່ງປັນບົດຮຽນ ແລະວິທີການຫລຸດພົ້ນອອກຈາກຄວາມທຸກຍາກຂອງຈີນ. ທ່ານຈ້າວລີ້ຈ່ຽນຊີ້ໃຫ້ເຫັນວ່າ: ຈີນຍຶດໝັ້ນການຖືເອົາປະຊາຊົນເປັນໃຈກາງຢ່າງສະເໝີຕົ້ນສະເໝີປາຍ, ຖືເອົາການຫລຸດຜ່ອນຄວາມທຸກຍາກໄວ້ໃນຖານະສຳຄັນໃນການຄຸ້ມຄອງບໍລິຫານປະເທດ, ລຶບລ້າງຄວາມທຸກຍາກດ້ວຍວິທີພັດທະນາ, ພິຈາລະນາຕາມສະພາບຕົວຈິງ, ຊຸກຍູ້ຂະບວນການຫລຸດຜ່ອນຄວາມທຸກຍາກ. ພຶດຕິກຳຈີນໃນການຫລຸດຜ່ອນຄວາມທຸກຍາກບໍ່ພຽງແຕ່ໄດ້ເຮັດໃຫ້ປະຊາຊົນຈີນຫລາຍຮ້ອຍລ້ານຄົນໄດ້ມີຊີວິດການເປັນຢູ່ທີ່ດີເທົ່ານັ້ນ, ຍັງໄດ້ຫລຸດຈຳນວນຜູ້ທຸກຍາກໃນທົ່ວໂລກໃຫ້ໜ້ອຍລົງຢ່າງພົ້ນເດັ່ນ, ຍົກສູງຄວາມສາມາດດ້ານການເອົາຊະນະຄວາມທຸກຍາກຂອງມວນມະນຸດອີກດ້ວຍ.
ຄຳເຫັນ
0