ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ເມສານີ້, ທ່ານສີຈີ້ນຜີງ ປະທານປະເທດຈີນໄດ້ໂອ້ລົມກັບ ທ່ານນາງ ອັນເຈີລາ ເມີແຄວ ນາຍົກລັດຖະມົນຕີເຢຍລະມັນຜ່ານທາງໂທລະສັບ.
ທ່ານສີຈີ້ນຜີງເນັ້ນໜັກວ່າ: ຈີນແລະເຢຍລະມັນ, ຈີນແລະເອີຣົບເພີ່ມທະວີການຮ່ວມມືກັນສາມາດສຳເລັດເລື່ອງໃຫຍ່ທີ່ມີຄວາມໝາຍຄວາມສຳຄັນ. ຫວັງວ່າເຢຍລະມັນ ແລະເອີຣົບຈະຮ່ວມກັບຈີນທຳຄວາມພະຍາຍາມ, ປົກປັກຮັກສາ ແລະຊຸກຍູ້ໃຫ້ການຮ່ວມມືລະຫວ່າງຈີນ ແລະເຢຍລະມັນ, ຈີນ ແລະເອີຣົບພັດທະນາຢ່າງໝັ້ນທ່ຽງ ແລະປອດໃສ, ສ້າງຄວາມໝັ້ນທ່ຽງ ແລະຄວາມແນ່ນອນຫລາຍກວ່າເກົ່າໃຫ້ແກ່ໂລກທີ່ມີການປ່ຽນແປງຫລາຍ.
ທ່ານສີຈີ້ນຜີງຊີ້ໃຫ້ເຫັນວ່າ: ການຮ່ວມມືທີ່ຕິດແທດຕົວຈິງລະຫວ່າງຈີນ ແລະເຢຍລະມັນໄດ້ຜ່ານຜ່າຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະປັດໄຈອື່ນໆ, ມີຄວາມຄືບໜ້າທ່າມກາງຄວາມໝັ້ນທ່ຽງ, ຈີນໄດ້ກາຍເປັນຄູ່ຮ່ວມມືດ້ານການຄ້າໃຫຍ່ອັນດັບໜຶ່ງໃນໂລກຂອງເຢຍລະມັນ 5 ປີລຽນຕິດ ເຊິ່ງໄດ້ສະແດງໃຫ້ເຫັນເຖິງຄວາມໜຽວແໜ້ນ ແລະຄວາມສາມາດບົ່ມຊ້ອມຂອງການຮ່ວມມືລະຫວ່າງຈີນ ແລະເຢຍລະມັນ. ຫວັງວ່າສອງຝ່າຍຈະຍຶດໝັ້ນຈິດໃຈທີ່ເຄົາລົບນັບຖືເຊິ່ງກັນ ແລະກັນ ແລະຕ່າງຝ່າຍຕ່າງມີຜົນປະໂຫຍດ, ຊຸກຍູ້ການຮ່ວມມືໃນຂົງເຂດຕ່າງໆລະຫວ່າງຈີນ ແລະເຢຍລະມັນ, ທັງນີ້ຈະມີຜົນດີຕໍ່ການເພີ່ມຄວາມໝັ້ນໃຈ ແລະພະລັງແຮງໃຫ້ແກ່ການຮ່ວມມືລະຫວ່າງຈີນ ແລະເຢຍລະມັນ, ແລະການຟື້ນຟູເສດຖະກິດໂລກ.
ທ່ານນາງ ອັນເຈີລາ ເມີແຄວ ກ່າວວ່າ: ເອີຣົບຈະຍຶດໝັ້ນຄວາມເປັນເຈົ້າຕົນເອງໃນດ້ານສາຍພົວພັນຕໍ່ຕ່າງປະເທດ, ປັດຈຸບັນ, ທົ່ວໂລກໄດ້ຜະເຊີນກັບສິ່ງທ້າທາຍ ແລະບັນຫາຕ່າງໆ, ຍິ່ງຕ້ອງການເຢຍລະມັນ ແລະຈີນ, ເອີຣົບ ແລະຈີນຮ່ວມມືກັນຮັບມື. ເອີຣົບ ແລະຈີນເພີ່ມທະວີການຮ່ວມມື ແລະການສົນທະນາ, ບໍ່ພຽງແຕ່ສອດຄ່ອງກັບຜົນປະໂຫຍດສອງຝ່າຍເທົ່ານັ້ນ, ຍັງມີຜົນດີຕໍ່ໂລກອີກດ້ວຍ. ເຢຍລະມັນຍິນດີເສີຍຂະຫຍາຍບົດບາດອັນຕັ້ງໜ້າເພື່ອເລື່ອງນີ້.
ຄຳເຫັນ
0