ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 9 ເມສານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ: ລັດຖະບານອາເມຣິກາຊຸດຜ່ານມາໄດ້ຖອນຕົວອອກຈາກສັນຍາຮອບດ້ານກ່ຽວກັບບັນຫານິວເຄຼຍອີຣານແລະໃຊ້ຄວາມກົດດັນຫຼາຍທີ່ສຸດຕໍ່ອີຣານ, ແມ່ນກົກເຄົ້າທີ່ເຮັດໃຫ້ສະຖານະການບັນຫານິວເຄຼຍອີຣານເຄັ່ງຕຶງຂຶ້ນຢ່າງຕໍ່ເນື່ອງ. ປັດຈຸບັນ, ສະຖານະການນິວເຄຼຍອີຣານຢູ່ໃນໄລຍະສຳຄັນ, ຝ່າຍຕ່າງໆທີ່ກ່ຽວຂ້ອງກັບສັນຍາຮອບດ້ານກ່ຽວກັບບັນຫານິວເຄຼຍອີຣານພວມປຶກສາຫາລືບັນຫາທີ່ກ່ຽວກັບອາເມຣິກາຍົກເລີກການຂວ້ຳບາດຕໍ່ອີຣານແລະຟື້ນຟູການປະຕິບັດສັນຍາຮອບດ້ານກ່ຽວກັບບັນຫານິວເຄຼຍອີຣານຢູ່ນະຄອນວຽນ, ແລະຮັກສາການພົວພັນກັບອາເມຣິກາດ້ວຍວິທີທີ່ເໝາະສົມ. ຈີນຫວັງວ່າຝ່າຍຕ່າງໆສືບຕໍ່ປັບປຸງແລະຮັກສາທ່ວງທ່າຕັ້ງໜ້າໃນປັດຈຸບັນ, ແລະກ້າວເຖິງຂັ້ນມີຄວາມເຫັນທີ່ເປັນເອກະພາບກັນກ່ຽວກັບອາເມຣິກາແລະອີຣານຟື້ນຟູການປະຕິບັດຕາມສັນຍາຮອບດ້ານກ່ຽວກັບບັນຫານິວເຄຼຍອີຣານ.
ວັນທີ 6 ເມສານີ້, ກອງປະຊຸມຝ່າຍກ່ຽວຂ້ອງຂອງສັນຍາຮອບດ້ານກ່ຽວກັບບັນຫານິວເຄຼຍອີຣານໄດ້ຈັດຂຶ້ນຢູ່ນະຄອນຫຼວງວຽນຂອງໂອຕຼິສ, ເພື່ອປຶກສາຫາລືບັນຫາທີ່ອາເມຣິກາແລະອີຣານຟື້ນຟູການປະຕິບັດຕາມສັນຍາດັ່ງກ່າວ.
ຄຳເຫັນ
0