ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແນ່ໃສ່ສະຖານະການຢູ່ເຂດພາກຕາເວັນອອກຂອງອູແກຣນທີ່ຮຸນແຮງຂຶ້ນໃນໄລຍະມໍ່ໆມານີ້, ຜູ້ຊ່ຽວຊານດ້ານບັນຫາການທະຫານທີ່ມີຊື່ສຽງຂອງຣັດເຊຍໄດ້ໃຫ້ສຳພາດຕໍ່ນັກຂ່າວວ່າ: ບັນຫາເຂດພາກຕາເວັນອອກຂອງອູແກຣນໄດ້ກາຍເປັນບັນຫາສຳຄັນໜຶ່ງທີ່ຣັດເຊຍແລະອາເມຣິກາແຂ່ງຂັນກັນ, ທ່ານກ່າວວ່າ, ການທີ່ຜ່ານຈາກບັນຊາຄວບຄຸມບັນຫາດ້ານເຊື້ອຊາດ,ສັງຄົມແລະສາສະໜາຂອງປະເທດອື່ນ ເພື່ອທຳລາຍສະຖຽນລະພາບຂອງປະເທດນີ້ເພື່ອບັນລຸຜົນປະໂຫຍດດ້ານຍຸທະສາດຂອງປະເທດຕົນ ນີ້ຄືການກະທຳທີ່ອາເມຣິກາປະຕິບັດມາໂດຍຕະຫຼອດໃນບັນຫາສາກົນ.
ໃນໄລຍະມໍ່ໆມານີ້, ອູແກຣນແລະອາເມຣິກາໄດ້ພົວພັນກັນຢ່າງເນື່ອງນິດ. ຕາມສື່ມວນຊົນອາເມຣິກາລາຍງານວ່າ: ອາເມຮິກາສືບຕໍ່ສະໜອງອາວຸດໃຫ້ອູແກຣນ, ເດືອນແລ້ວນີ້, ອາເມຣິກາໄດ້ປະກາດວ່າ ໃນສົກການເງິນປີ2021, ຈະສະໜອງການຊ່ວຍເຫຼືອດ້ານການທະຫານຈຳນວນ 125 ລ້ານໂດລາໃຫ້ອູແກຣນ. ຕໍ່ກັບເລື່ອງນີ້, ທ່ານເປີສໂຄຟ ເລຂາທິການຖະແຫຼງຂ່າວຂອງປະທານາທິບໍດີຣັດເຊຍຢືນຢັນວ່າ ອາເມຣິກາກຳນົດເອົາຣັດເຊຍເປັນສັດຕູ, ນີ້ເປັນສິ່ງທີ່ບໍ່ສາມາດຮັບເອົາໄດ້. ທັງເຕືອນວ່າຫາກອາເມຣິກາສົ່ງກຳລັງທະຫານໄປອູແກຣນຈະເປັນການເລີ່ມຕົ້ນຂອງເຫດອັນຕະຫຼາຍຕ່າງໆທີ່ອາດຈະເກີດຂຶ້ນ, ຣັດເຊຍຈະໃຊ້ທຸກມາດຕະການທີ່ຈຳເປັນເພື່ອປົກປ້ອງຄວາມໝັ້ນຄົງຂອງປະເທດຕົນ.
ຄຳເຫັນ
0