ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກົນໄກຮ່ວມປ້ອງກັນແລະຄວບຄຸມພະຍາດໂຄວິດ-19 ຂອງລັດຖະບານຈີນໄດ້ຈັດພິທີຖະແຫຼງຂ່າວກ່ຽວກັບການປ້ອງກັນແລະຄວບຄຸມພະຍາດ ກໍຄືການສັກວິກຊິນໃນວັນທີ 11 ເມສານີ້. ໃນພິທີຖະແຫຼງຂ່າວ, ທ່ານອູຫຼຽງໂຢວ ຮອງຫົວໜ້າກົມປ້ອງກັນແລະຄວບຄຸມພະຍາດ ຂອງຄະນະກຳມະການສາທາລະນະສຸກແຫ່ງຊາດຈີນ ໄດ້ແນະນຳໃຫ້ຮູ້ວ່າ: ປັດຈຸບັນ, ວຽກງານການສັກວັກຊິນໂຄວິດ-19 ຂອງຈີນພວມດຳເນີນໄປຢ່າງເປັນລະບຽບ, ມາຮອດວັນທີ 10 ເມສານີ້, ແຫ່ງຕ່າງໆໃນທົ່ວປະເທດໄດ້ສັກວັກຊິນ 164.471.000 ຫຼອດແລ້ວ.
ທ່ານອູຫຼຽງໂຢວ ກ່າວວ່າ: ການສັກວັກຊິນໂຄວິດ-19 ໃນໄລຍະຜ່ານມາຕົ້ນຕໍໄດ້ປິ່ນອ້ອມ “ສອງຈຸດສຸມ” ຄື: ໜຶ່ງແມ່ນເຂດຈຸດສຸມ, ຊຸກຍູ້ວຽກງານການສັກວັກຊິນຢູ່ຕົວເມືອງດ່ານຊາຍແດນ, ເຂດຊາຍແດນ, ຕົວເມືອງຂະໜາດໃຫຍ່ແລະກາງ ແລະ ເຂດທີ່ເຄີຍເກີດເຫດການແຜ່ລະບາດຍ້ອນກຸ່ມຄົນຢູ່ໃກ້ຊິດກັນໃນເມື່ອກ່ອນ ທີ່ເປັນບ່ອນມີຄວາມສ່ຽງສູງໃນທົ່ວປະເທດເປັນບຸລິມະສິດ; ສອງແມ່ນກຸ່ມຄົນຈຸດສຸມ, ລວມທັງຜູ້ປະກອບການດ້ານການຈໍລະຈອນສິນຄ້າແຊ່ເຢັນ, ພະນັກງານການແພດແລະສາທາລະນະສຸກ, ພະນັກງານບໍລິການໃນຮ້ານຊຸບເປີມາເກັດຂະໜາດໃຫຍ່ ພ້ອມດ້ວຍພະນັກງານໃນຂະແໜງການຄົມມະນາຄົມ, ການຈໍລະຈອນສິນຄ້າ, ອົງການສະຫວັດດີການ ແລະອື່ນໆ.
ຄຳເຫັນ
0