ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ເມສານີ້, ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຖະແຫຼງຂ່າວກ່ຽວກັບສະພາບຄວາມຄືບໜ້າຂອງການສ້າງລະບົບນະໂຍບາຍຂອງທ່າການຄ້າເສລີໄຫຫຼຳ.
ທ່ານສົງລ້ຽງ ຮອງຫົວໜ້າຄະນະກຳມະການການພັດທະນາແລະປະຕິຮູບແຫ່ງລັດຈີນກ່າວວ່າ: ວັນທີ 1 ມິຖຸນາປີ 2020, ຈີນໄດ້ເປີດເຜີຍແລະປະຕິບັດແຜນແມ່ບົດໃນການສ້າງທ່າການຄ້າເສລີໄຫຫຼຳຢ່າງເປັນທາງການ. ພາຍຫຼັງແຜນແມ່ບົດດັ່ງກ່າວໄດ້ເປີດເຜີຍແລະປະຕິບັດເປັນຕົ້ນມາ, ຕາມຜົນສະຖິຕິໃນໄລຍະເບື້ອງຕົ້ນ, ມາຮອດປັດຈຸບັນໄດ້ປະກາດເອກະສານນະໂຍບາຍຫຼາຍກວ່າ 110 ສະບັບ, ຂອບລະບົບນະໂຍບາຍຂອງທ່າການຄ້າເສລີໄຫຫຼຳໄດ້ສ້າງ ຂຶ້ນໃນເບື້ອງຕົ້ນແລ້ວ.
ໂດຍລວມແລ້ວ, ລະບົບນະໂຍບາຍເຫຼົ່ານີ້ສາມາດສະຫຼຸບໃນ 6 ດ້ານລຸ່ມນີ້:
ໜຶ່ງແມ່ນນະໂຍບານການຄ້າແລະການລົງທຶນທີ່ເສລີກວ່າເກົ່າແລະສະດວກກວ່າເກົ່າ; ສອງແມ່ນນະໂຍບາຍສະໜັບສະໜູນດ້ານການເງິນທີ່ສະດວກວ່ອງໄວແລະປອດໄພກວ່າເກົ່າ; ສາມແມ່ນນະໂຍບາຍບູລິມະສິດດ້ານພາສີທີ່ແມ່ນຢຳແລະມີປະສິດທິພາບສູງກວ່າເກົ່າ; ສີ່ແມ່ນນະໂຍບາຍບໍລິການການຂົນສົ່ງທີ່ເປີດກວ້າງແລະສະດວກກວ່າເກົ່າ; ຫ້າແມ່ນນະໂຍບາຍທີ່ມີປັດໄຈຮັບປະກັນທີ່ແຂງແຮງກວ່າເກົ່າແລະມີປະສິດທິພາບສູງກວ່າເກົ່າ; ຫົກແມ່ນລະບຽບການຮັບປະກັນທີ່ມີປະສິດທິພາບສູງແລະສົມບູນກວ່າເກົ່າ.
ຄຳເຫັນ
0