ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ເມສານີ້, ອົງການອະນາໄມໂລກຫຼື WHO ກ່າວວ່າ: ຢູ່ໃນໂລກໄດ້ສັກວັກຊີນໂຄວິດ-19 ແລ້ວຈຳນວນຫຼາຍກວ່າ 780 ລ້ານຫຼອດ, ແຕ່ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ແລະຜູ້ເສຍຊີວິດຍ້ອນເປັນພະຍາດເພີ່ມໃໝ່ໃນແຕ່ລະອາທິດຍັງສືບຕໍ່ເພີ່ມຂຶ້ນຢ່າງຕໍ່ເນື່ອງ, ບັນດາປະເທດໃນໂລກບໍ່ຄວນໂຍະຍານໃນການໃຊ້ມາດຕະການສາທາລະນະສຸກເຖິງວ່າໄດ້ສັກວັກຊີນໂຄວິດ-19 ແລ້ວກໍຕາມ.
ໃນມື້ດັ່ງກ່າວ, ທ່ານ ເຕໂດຣສ໌ ເກເບຣເຢຊຸສ ຜູ້ອຳນວຍການໃຫຍ່ອົງການອະນາໄມໂລກຫຼື WHO ໄດ້ກ່າວໃນກອງະຊຸມຖະແຫຼງຂ່າວວ່າ: ຜູ້ຖືກບົ່ງມະຕິເປັນພະຍາດໂຄວິດ-19 ທີ່ເພີ່ມໃໝ່ຢູ່ໃນໂລກໃນເດືອນມັງກອນແລະເດືອນກຸມພາປີນີ້ໄດ້ຫຼຸດລົງຕິດຕໍ່ກັນເປັນ 6 ອາທິດແລ້ວ, ແຕ່ໃນຫວ່າງມໍ່ໆມານີ້ພັດມີຜູ້ຕິດພະຍາດເພີ່ມຂຶ້ນ 7 ອາທິດຕິດຕໍ່ກັນ, ຜູ້ເສຍຊີວິດຍ້ອນເປັນພະຍາດເພີ່ມໃໝ່ໄດ້ເພີ່ມຂຶ້ນຕິດຕໍ່ກັນເປັນ 4 ອາທິດ. ຢູ່ໃນທົ່ວໂລກໄດ້ສັກວັກຊີນໂຄວິດ-19 ຫຼາຍກວ່າ 780 ລ້ານຫຼອດແລ້ວ, ແຕ່ຜູ້ເປັນພະຍາດຢູ່ບາງປະເທດໃນອາຊີແລະຕາເວັນອອກກາງຍັງເພີ່ມຂຶ້ນຢ່າງຫຼວງຫຼາຍ.
ຄຳເຫັນ
0