ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ເມສານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມສຳພາດຂອງນັກຂ່າວ ໃນກໍລະນີທີ່ຍີ່ປຸ່ນຕົກລົງຈະປ່ອຍນ້ຳປົນເປື້ອນລັງສີລົງທະເລ.
ທ່ານຈ້າວລີ້ຈ່ຽນ ກ່າວວ່າ: ອຸບັດເຫດນິວເຄຼຍທີ່ເກີດຂຶ້ນຢູ່ແຂວງຟູກູຊີມະຂອງຍີ່ປຸ່ນແມ່ນໜຶ່ງໃນອຸບັດເຫດດ້ານນິວເຄຼຍທີ່ຮ້າຍແຮງທີ່ສຸດຂອງໂລກຈົນຮອດປັດຈຸບັນ, ອຸບັດເຫດດັ່ງກ່າວໄດ້ເຮັດໃຫ້ເກີດມີການຮົ່ວໄຫຼຂອງສານກຳມັນຕະພາບລັງສີຢ່າງຫຼວງຫຼາຍ, ໄດ້ສົ່ງຜົນກະທົບຕໍ່ສິ່ງແວດລ້ອມທາງທະເລ, ຄວາມປອດໄພດ້ານອາຫານ ແລະສຸຂະພາບຂອງມວນມະນຸດຢ່າງແຮງແລະຍາວນານ. ການແກ້ໄຂບັນຫານ້ຳປົນເປື້ອນລັງສີຂອງໂຮງໄຟຟ້ານິວເຄຼຍຟູກູຊີມະຢ່າງເໝາະສົມ ໄດ້ກ່ຽວພັນເຖິງຜົນປະໂຫຍດທົ່ວໄປຂອງສາກົນ ແລະຜົນປະໂຫຍດທີ່ແທ້ຈິງຂອງປະເທດໃກ້ຄຽງຍີ່ປຸ່ນ, ສະນັ້ນຄວນປະຕິບັດງານຢ່າງລະມັດລະວັງ ແລະ ມີຄວາມຮັບປະກັນ, ເພື່ອຫຼີກເວັ້ນການທຳລາຍສິ່ງແວດລ້ອມທາງທະເລ, ຄວາມປອດໄພດ້ານອາຫານ ແລະ ສຸຂະພາບຂອງມວນມະນຸດຢ່າງມີປະສິດທິຜົນ ດ້ວຍການເຂົ້າຮ່ວມຂອງບັນດາຝ່າຍທີ່ກ່ຽວຂ້ອງ.
ຝ່າຍຈີນໄດ້ສະແດງຄວາມເປັນຫ່ວງທີ່ສຸດຕໍ່ກໍລະນີທີ່ຝ່າຍຍີ່ປຸ່ນຕົກລົງຈະປ່ອຍນ້ຳປົນເປື້ອນລັງສີລົງທະເລໂດຍຜ່ານຊ່ອງທາງການທູດ ແລະຮຽກຮ້ອງໃຫ້ຝ່າຍຍີ່ປຸ່ນແກ້ໄຂບັນຫານ້ຳປົນເປື້ອນລັງສີຂອງໂຮງໄຟຟ້ານິວເຄຼຍຟູກູຊີມະຢ່າງລະມັດລະວັງ ດ້ວຍການກະທຳທີ່ມີຄວາມຮັບຜິດຊອບທີ່ແທ້ຈິງ.
ຄຳເຫັນ
0