ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 20 ເມສານີ້, ພິທີເປີດກອງປະຊຸມປະຈຳປີ 2021 ຂອງ ເວທີປຶກສາຫາລືອາຊີໂປອາວໄດ້ຈັດຂຶ້ນຢູ່ເມືອງໂປອາວແຂວງໄຫຫຼຳຈີນ, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສຜ່ານທາງວີດີໂອ.
ທ່ານສີຈິ້ນຜິງກ່າວເນັ້ນວ່າ: ເມື່ອຮອດປີ 2030, ພາລະກິດຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ຈະສາມາດຊ່ວຍໃຫ້ປະຊາກອນ 7,6 ລ້ານຄົນໃນທົ່ວໂລກຫຼຸດພົ້ນອອກຈາກຄວາມທຸກຍາກທີ່ສຸດ, ປະຊາກອນ 32 ລ້ານຄົນສາມາດຫຼຸດພົ້ນອອກຈາກຄວາມທຸກຍາກລະດັບປານກາງ. ພວກເຮົາຈະປະຕິບັດຕາມຈິດໃຈທີ່ເປີດກວ້າງ ແລະ ກວມລວມ, ສຸມຄວາມພະຍາຍາມຮ່ວມກັນກັບບັນດາຝ່າຍທີ່ກ່ຽວຂ້ອງທີ່ຍິນດີມີສ່ວນຮ່ວມ, ສ້າງ “ໜຶ່ງແລວໜຶ່ງເສັ້ນທາງ” ໃຫ້ເປັນ “ເສັ້ນທາງແຫ່ງການຫຼຸດຜ່ອນຄວາມທຸກຍາກ” ແລະ “ເສັ້ນທາງແຫ່ງການເຕີບໂຕ”, ປະກອບສ່ວນອັນຕັ້ງໜ້າເພື່ອໃຫ້ມວນມະນຸດກ້າວເດີນໄປສູ່ຄວາມສິວິໄລຮ່ວມກັນ.
ທ່ານສີຈິ້ນຜິງກ່າວວ່າ: ໃນການໄປມາຫາສູ່ກັນລະຫວ່າງປະເທດ, ຕ້ອງປະຕິບັດຕາມຫຼັກການ ສະເໝີພາບກັນ, ເຄົາລົບກັນ ແລະໄວ້ເນື້ອເຊື່ອໃຈກັນ, ການຊີ້ ມືສັ່ງນັ້ນສັ່ງນີ້ ແລະ ການແຊກແຊງວຽກງານພາຍໃນຂອງປະເທດອື່ນຢ່າງບັງອາດນັ້ນຈະບໍ່ຖືກກັບຈິດໃຈຂອງປະຊາຊົນ. ຕ້ອງເຊີດຊູທັດສະນະຄຸນຄ່າຮ່ວມຂອງມວນມະນຸດ ຄື: ສັນຕິພາບ, ການພັດທະນາ, ຍຸດຕິທຳ, ເປັນທຳ, ປະຊາທິປະໄຕ ແລະ ເສລີ, ສົ່ງເສີມການແລກປ່ຽນກັນລະຫວ່າງອະລິຍະທຳທີ່ແຕກຕ່າງກັນ, ຊຸກຍູ້ການພັດທະນາອະລິຍະທຳຂອງມວນມະນຸດ.
ທ່ານກ່າວຕື່ມວ່າ, ບໍ່ວ່າຈີນຈະພັດທະນາໄປຮອດລະດັບໃດກໍຕາມ, ຈີນກໍຈະບໍ່ສະແຫວງຫາການເປັນເຈົ້າອຳນາດ ແລະ ບໍ່ຂະຫຍາຍຂອບເຂດອຳນາດ ແລະບໍ່ສະແຫວງຫາຂອບເຂດອິດທິພົນຂອງຕົນຕະຫຼອດໄປ, ບໍ່ແຂ່ງຂັນກຳລັງອາວຸດ. ຈີນຈະສືບຕໍ່ເປັນຜູ້ສ້າງສັນຕິພາບໃຫ້ກັບໂລກ, ເປັນຜູ້ປະກອບສ່ວນເຂົ້າໃນການພັດທະນາຂອງໂລກ ແລະ ເປັນຜູ້ຮັກສາລະບຽບການສາກົນ.
ຄຳເຫັນ
0