ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 25 ເມສານີ້, ທ່ານສີຈິ້ນຜິງ ປະທານປະເທດທີ່ພວມສຳຫຼວດກວດກາວຽກງານຢູ່ເຂດປົກຄອງຕົນເອງເຜົ່າຈ້ວງກວາງຊີຈີນໄດ້ເດີນທາງໄປຮອດອະນຸສອນສະຖານບັ້ນຮົບແມ່ນ້ຳຊ່ຽງຈ່ຽງໃນການເຄື່ອນທັບທາງໄກຂອງກອງທັບແດງຢູ່ຕາແສງໄຊວ່ານ ເມືອງຊວນໂຈ່ນະຄອນກຸ້ຍຫຼິນ, ທ່ານໄດ້ວາງກະຕ່າດອກໄມ້ຢູ່ຕໍ່ໜ້າຫີນແກະສະຫຼັກນັກຮົບກອງທັບແດງຜູ້ເສຍສະຫຼະຊີວິດໃນບັ້ນຮົບແມ່ນ້ຳຊ່ຽງຈ່ຽງ, ທັງໄດ້ຢ້ຽມຊົມຫໍວາງສະແດງບັ້ນຮົບແມ່ນ້ຳຊ່ຽງຈ່ຽງໃນການເຄື່ອນທັບທາງໄກຂອງກອງທັບແດງຈີນ.
ທ່ານສີຈິ້ນຜິງຊີ້ອອກວ່າ, “ບັ້ນຮົມແມ່ນ້ຳຊ່ຽງຈ່ຽງ, ແມ່ນບັ້ນຮົບຄັ້ງໜຶ່ງທີ່ມີຜູ້ເສຍສະຫຼະຊີວິດຢ່າງຫຼວງຫຼາຍ ແລະ ໜ້າເຊີດຊູໃນການປະຕິວັດຂອງຈີນ,ທັງແມ່ນເຫດການປະຫວັດສາດທີ່ສຳຄັນຄັ້ງໜຶ່ງທີ່ພົວພັນເຖິງການຄົງຕົວຂອງການປະຕິວັດຈີນ. ນາຍ ແລະພົນທະຫານຂອງກອງທັບແດງທີ່ສູ້ຮົບຢ່າງເອົາເປັນເອົາຕາຍຢ່າງບໍ່ເຫັນແກ່ຕົວແມ່ນອາໄສຫຍັງ? ກໍແມ່ນອາໄສອຸດົມການທີ່ເດັດດ່ຽວໜຽວແໜ້ນ, ເຄັບລັບຂອງຜົນສຳເລັດກໍຂຶ້ນຢູ່ກັບຈຸດນີ້, ອຸດົມການປະຕິວັດຢູ່ເໜືອທຸກສິ່ງຢ່າງ, ດັ່ງນັ້ນຈຶ່ງສາມາດໄດ້ຮັບໄຊຊະນະແບບມະຫັດສະຈັນຢ່າງບໍ່ຢຸດຢັ້ງ. ເປົ້າໝາຍສູ້ຊົນຮ້ອຍປີຕໍ່ໄປ ແລະການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ, ກໍຕ້ອງສ້າງຄວາມໝັ້ນໃຈທີ່ຈະເອົາຊະນະໄດ້ຢ່າງແນ່ນອນ. ເຖິງຈະມີຄວາມຫຍຸ້ງຍາກລຳບາກທີ່ໃຫຍ່ຫຼວງປານໃດກໍຕາມ, ຂໍພຽງແຕ່ຫວນຄືນເຖິງຈິດໃຈການເຄື່ອນທັບທາງໄກຂອງກອງທັບແດງ, ແລະ ບັ້ນຮົບແມ່ນ້ຳຊ່ຽງຈ່ຽງທີ່ມີນາຍແລະພົນທະຫານເສຍສະຫຼະຢ່າງຫຼວງຫຼາຍ. ເຊື່ອວ່າ ບັນດາສະຫາຍຈະໄດ້ຮັບການຝຶກຝົນຫຼໍ່ຫຼອມຈິດວິນຍານແບບນີ້ ແລະ ສາມາດຍົກລະດັບຈິດໃຈໃຫ້ສູງສົ່ງກວ່າເກົ່າ.”
ຄຳເຫັນ
0