ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໜັງສືພິມຫຼຽນເຫີຈາວປ້າວຂອງສິງກະໂປສະບັບວັນທີ 12 ພຶດສະພານີ້ໄດ້ລາຍງານວ່າ: ພາຍຫຼັງອົງການກອງທຶນເງິນຕາສາກົນຫຼື IMF ໄດ້ດຳເນີນການສຳຫຼວດເສດຖະກິດສິງກະໂປປະຈຳປີແລ້ວຢືນຢັນວ່າ: ເສດຖະກິດສິງກະໂປພັດທະນາໄດ້ເປັນຢ່າງດີ. IMFເຫັນວ່າ, ປັດຈຸບັນ, ລະບົບນະໂຍບາຍຂອງສິງກະໂປມີຄວາມເໝາະສົມ, ເຊິ່ງໄດ້ຊ່ວຍໃຫ້ຕະຫຼາດການເງິນແລະການປະກອບອາຊີບມີຄວາມໝັ້ນທ່ຽງ, ມາເຖິງທ້າຍປີ2020ຜ່ານມາ, ເສດຖະກິດສິງກະໂປສາມາດຟື້ນຟູການເຕີບໂຕຄືນໃໝ່ໄດ້ແລ້ວ.
IMF ຄາດວ່າ ລວມຍອດຜະລິດຕະພັນພາຍໃນຫຼືGDP ຕົວຈິງຂອງສິງກະໂປໃນ ປີ 2021ຈະຂະຫຍາຍຕົວ 6%.
IMFຢືນຢັນວ່າ: ສະພາບພະຍາດໂຄວິດ-19ຍັງບໍ່ທັນສິ້ນສຸດລົງເທື່ອ, ດ້ວຍເຫດນີ້, ອະນາຄົດຂອງເສດຖະກິດຍັງບໍ່ທັນແນ່ນອນເທື່ອ, ແຕ່ວ່າ ຄວາມສ່ຽງຍັງມີຄວາມດຸນດ່ຽງຢູ່. ໃນຖານະເປັນສູນກາງດ້ານການເງິນແລະການຄ້າ, ສິງກະໂປພວມຜະເຊີນກັບໄພຂົ່ມຂູ່ຈາກຄວາມປັ່ນປ່ວນດ້ານການເງິນຂອງໂລກກໍຄືລັດທິປົກປ້ອງການຄ້າ. ສະພາບການແຜ່ລະບາດຂອງພະຍາດໂຄວິດ-19 ຢູ່ເຂດແຄວ້ນສ່ວນໜຶ່ງມີຄວາມຮຸນແຮງຂຶ້ນໃນໄລຍະມໍ່ໆມານີ້ອາດຈະສົ່ງຜົນໃຫ້ການຟື້ນຟູເສດຖະກິດຂາດກຳລັງຂັບເຄື່ອນ, ແຕ່ຖ້າເບິ່ງໃນດ້ານບວກແລ້ວ, ທົ່ວໂລກໄດ້ຂະຫຍາຍການສັກວັກຊີນຢ່າງວ່ອງໄວເພື່ອສະກັດກັ້ນການແຜ່ລະບາດຂອງພະຍາດ-ໂຄວິດ19 ເຊິ່ງອາດຈະເລັ່ງໃຫ້ການຟື້ນຟູເສດຖະກິດໄວຂຶ້ນ.
ຄຳເຫັນ
0