ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ພຶດສະພານີ້, ທ່ານສີຈິ້ນຜິງ ປະທານປະເທດຈີນທີ່ພວມສຳຫຼວດກວດກາວຽກງານຢູ່ແຂວງເຮີນານໄດ້ເດີນທາງໄປເບິ່ງສວນວາງສະແດງດອກກຸຫຼາບຈີນຢູ່ນະຄອນນານຢາງ ເພື່ອກວດເບິ່ງສະພາບການກ່ຽວກັບນະຄອນດັ່ງກ່າວອີງໃສ່ທ່າແຮງດ້ານຊັບພະຍາກອນດອກກຸຫຼາບຈີນ, ເພື່ອພັດທະນາອຸດສາຫະກຳທີ່ມີເອສະລັກພິເສດ, ການຊອກຫາວຽກເຮັດງານທຳໃຫ້ກັບປະຊາຊົນ ແລະອື່ນໆ.
ນະຄອນນານຢາງຕັ້ງຢູ່ພາກກາງຂອງແຂວງເຮີນານປະເທດຈີນ, ແມ່ນຕົວເມືອງທີ່ມີຊື່ສຽງດ້ານວັດທະນະທຳ ແລະປະຫວັດສາດທີ່ມີອາຍຸຫຼາຍກວ່າ 2700 ປີ, ຍັງເປັນແຫຼ່ງປູກດອກກຸຫຼາບຈີນທີ່ມີເນື້ອທີ່ກວ້າງຂວາງທີ່ສຸດຂອງຈີນ, ສົມເປັນ “ເມືອງແຫ່ງດອກກຸຫຼາບຈີນ" ແທ້ໆ.
ໃນຊຸມປີຜ່ານມາ, ນະຄອນນານຢາງໄດ້ພັດທະນາສາມອຸດສາຫະກຳໃຫຍ່ ເຊັ່ນ: ການປູກດອກກຸຫຼາບຈີນ, ການປຸງແຕ່ງດອກໄມ້ ແລະການທ່ອງທ່ຽວວັດທະນະທຳ. ເນື້ອທີ່ປູກດອກກຸຫຼາບຈີນໃນທົ່ວນະຄອນມີເຖິງ 1 ໝື່ນເຮັກຕາ, ສາມາດກ້າເບ້ຍດອກກຸຫຼາບຈີນໄດ້ 1,5 ຕື້ຕົ້ນຕໍ່ປີ, ໄດ້ນຳພາປະຊາຊົນຫຼາຍກວ່າ 150000 ຄົນທົ່ວນະຄອນເຂົ້າຮ່ວມອຸດສາຫະກຳດອກກຸຫຼາບຈີນ. ດອກກຸຫຼາບຈີນບໍ່ພຽງແຕ່ແມ່ນດອກໄມ້ທີ່ປູກໄວ້ສຳລັບທ່ຽວຊົມຄວາມສວຍງາມໄດ້ເທົ່ານັ້ນ, ຍັງຖືກຍົກລະດັບໃຫ້ກາຍເປັນອຸດສາຫະກຳທີ່ສ້າງຄວາມຮັ່ງມີໃຫ້ປະຊາຊົນອີກດ້ວຍ.
ທ່ານສີຈິ້ນຜິງໄດ້ເອົາໃຈໃສ່ອຸດສາຫະກຳທີ່ມີເອກະລັກພິເສດຂອງທ້ອງຖິ່ນໃນເວລາທີ່ທ່ານໄປສຳຫຼວດກວດກາວຽກງານຢູ່ເຂດຕ່າງໆ. ຫວ່າງບໍ່ດົນມານີ້, ທ່ານສີຈິ້ນຜິງໄດ້ໄປສຳຫຼວດກວດເບິ່ງອາຫານພື້ນເມືອງຊ່າຊ້ຽນຢູ່ແຂວງຟູຈ້ຽນ ແລະເຝີຫອຍຂອງນະຄອນຫຼີວໂຈ່ວຢູ່ເຂດປົກຄອງຕົນເອງເຜົ່າຈ້ວງກວາງຊີຕາມລຳດັບ. ເປັນຫຍັງທ່ານຈຶ່ງເອົາໃຈໃສ່ອຸດສາຫະກຳທີ່ມີເອກະລັກພິເສດຢູ່ທ້ອງຖິ່ນຕ່າງໆ? ທ່ານໃຫ້ຮູ້ວ່າ: ຢາກພັດທະນາຊົນນະບົດໃຫ້ຈະເລີນຮຸ່ງເຮືອງ, ຂໍກຸນແຈແມ່ນຕ້ອງປະຕິບັດຕາມສະພາບຄວາມເປັນຈິງຂອງທ້ອງຖິ່ນ, ເພື່ອເລືອກອຸສາຫະກຳທີ່ສາມາດສ້າງຄວາມຮັ່ງມີໃຫ້ກັບປະຊາຊົນໄດ້; ພັດທະນາອຸສາຫະກຳທີ່ມີເອກະລັກພິເສດແມ່ນວິທີທີ່ຖືກຕ້ອງໃນການພັດທະນາເສດຖະກິດຮູບປະທຳຂອງທ້ອງຖິ່ນໃຫ້ເຂັ້ມແຂງ ແລະມີປະສິດທິຜົນສູງ.
ຄຳເຫັນ
0